(PAGASA 24-HOUR PUBLIC WEATHER FORECAST as of Friday, 28 January 2022) Shear Line affecting Northern Luzon. Easterlies / Localized Thunderstorm affecting Mindanao. The entire Caraga region will experience Partly cloudy to cloudy skies with isolated rainshowers due to Easterlies / Localized Thunderstorm. Possible flash floods or landslides during severe thunderstorms. Light to Moderate winds coming from East to Southeast will prevail with Slight to Moderate seas / (0.6 to 2.5 meters).



Monday, July 19, 2021

Mga kalsada gipalambo sa ekonomikanhong kalihukan ug sosyal nga serbisyo sa Agusan del Norte

DAKBAYAN SA BUTUAN -- Isip suporta sa ekonomikanhong pagpalambo ug pagpasayon sa pagpaabot sa social services, gipakusgan usab sa probinsyal nga panggamhanan ubos sa liderato ni Agusan del Norte Governor Dale B. Corvera ang mga proyektong inprastruktura, ilabina kadtong makatabang aron mopaspas ang paglambo sa probinsya isip “agro-processing center sa Caraga” pag-abot sa tuig 2027.

Usa na niini ang proyektong upgrading/improvement of the provincial road section Culit Pag-ao –Jaguimitan sa lungsod sa Nasipit nga gibisita sa mga personahe sa Provincial Inspectorate Team (PIT) sa pagpanguna ni Engr. Nivard Gonzales karong adlawa, Hulyo 15.

Kining maong provincial road improvement project naay kalay-on nga 4 kilometros ug naa na sa 61% ang accomplishment niini. Gipunting nga mahuman kini ning tuiga.

Ang proyekto gipundohan sa probinsya ubos sa 20% Development Fund (DF).

Matud sa usa sa personahe Provincial Inspectorate Team (PIT) mosumada sa 983 households ang nagpuyo sa agricultural areas nga maagian sa kalsada. Abunda ang lugar sa lubi, saging ug uban pang highland crops nga apil sa gipunting nga i-proseso ubos sa mga proyektong Plant! Plant! Plant! ug Process! Process! Process! sa AGUSAN UP!, ang kampanya alang sa ekonomikanhong paglambo sa administrasyon ni Gob. Corvera kaabag ang buhatan ni Kong. Angel Amante-Matba.

Gawas nga masuportahan ang ekonomikanhong pag-abante sa probinsya, mapasayon usab sa maong klasada ang paglihuk-lihok sa mga residente ngadto sa mga sentro sa sosyal nga mga serbisyo. (Shena Mae Pabia, LGU Agusan del Norte/PIA Agusan del Norte)