(PAGASA 24-HOUR PUBLIC WEATHER FORECAST as of Saturday, 12 July 2025) The Southwest Monsoon (Habagat) continues to affect Mindanao. FORECAST: The Zamboanga Peninsula will experience cloudy skies with scattered rain showers and thunderstorms due to the Southwest Monsoon. These conditions may lead to possible flash floods or landslides, especially during moderate to occasionally heavy rainfall. The rest of Mindanao will have partly cloudy to cloudy skies with isolated rain showers or thunderstorms also influenced by the Southwest Monsoon. Winds will be light to moderate from the southwest, with slight to moderate seas (wave height between 0.6 to 2.1 meters).


Monday, July 19, 2021

Vlog Cooking Contest alang sa mga mabdos himoon isip kabahin sa pagsaulog sa Nutrition Month

DAKBAYAN SA BUTUAN -- Nagpahigayon ang probinsya sa Agusan del Norte ubos sa Provincial Social Welfare and Development Office (PSWDO) og Pinggang Pinoy Vlog Challenge o Vlog Cooking Contest alang sa mga kababayen-ang mabdos o buros isip kabahin sa pagsaulog sa ika-47th Nutrition Month.

Dala sa maong contest ang tema o panawagan sa maong pagsaulog niining tuiga nga mao ang “Malnutrisyon Patuloy na Labanan, First 1,000 Days Tutukan!”.

Gipadagan ang pagsaulog sa National Nutritional Council kaabag ang probinsya sa Agusan del Norte. 

Sa nasangpit nga indigay mag record og video ang mga pregnant women nga tag duha ka-representante sa matag lungsod og syudad sa probinsya samtang magluto og mga sustansiyado nga pagkaon gamit ang mga local ingredients o mga sagol nga naa ra sa probonsya.

Ang mga mananaug makadawat og 1st Prize – P10,000.00, 2ndPrize – P8,000.00, 3rd Prize – P5,000.00 

Gi-hatagan og dakung pagtagad sa maong indigay ang kababayen-ang mabdos tungod kay usa sa pinaka crucial nga stage sa nutrisyon sa bata naa sa gisabak pa sa inahan ang bata hangtod sa duha ka-tuig (first 1,000 days).

“Ni-come up mi ani kay atong target beneficiary or participants ang mga pregnant women in relation sa atong nutrition month theme karon nga first 1,000 days, na belong man diha ang mga pregnant gikan sa conception up to 2 years,” pahayag sa personahe sa PSWDO.

“Importante sila kay in terms sa atong nutrition very important and crucial ang first 1,000 days para ma prevent (angmalnutrition) kay increasing ang malnutrition, specially ang stunted. Sa first 1,000 days kung di maagapan ang nutrition sa mother mo-result gyod na siya sa anak,” dugang sa personahe sa PSWD.

Mahinumduman nga opisyal nga gilusad ang 47th Nutrition Month niadtong Hulyo 2 sa Almont Inland, Butuan City ug gibuksan sa usa ka Nutrition Exhibit sa SM Butuan niadtong Hulyo 6, SM Butuan City. (Shena Mae Pabia, LGU Agusan del Norte/PIA Agusan del Norte)