(PAGASA 24-HOUR PUBLIC WEATHER FORECAST as of Thursday, 19 May 2022) Frontal System affecting Extreme Northern Luzon. Localized Thunderstorms affecting Mindanao and the rest of the country. The entire Caraga region will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides due to moderate to at times heavy rains. Light to moderate winds coming from East to Southeast will prevail with slight to moderate seas (0.6 to 2.1 meters).



Friday, July 30, 2021

Disaster Response Group Mobilization Drill gipahigayon sa Surigao City

SURIGAO CITY, Surigao del Norte (PIA) – Ang buhatan sa City Disaster Risk Reduction and Management Office (CDRRMO) ning dakbayan malampuson nga mipahigayon og usa ka Disaster Response Group Mobilization Drill Evaluation.

Kini nga aktibidad maoy nahimong lakang isip pagpalig-on sa mga Response Group sa syudad ug kini mao usab ang highlight sa selebrasyon sa National Disaster Resilience Month na kun diin aktibo nga gipatisiparan sa Surigao City Philippine National Police, Philippine Coast Guard -Surigao del Norte, Bureau of Fire Protection-Surigao City, Philippine Red Cross-Surigao, Department of Public Works and Highways ug Civil Aviation Authority of the Philippines.

Dugang pa niini, ang mga partisipante adunay krayterya nga gisunod isip sumbanan kung unsa gayud sila ka responsive nga grupo panahon sa kalamidad.

Ang maong mga krayterya naglangkob sa Call Alertness, Response Time, Equipment ug Disaster Responders og basi sa mga kraterya gitarong og tan-aw sa mga evaluators kung kinsa gayud ang Best Response Group sumala sa kraytera nga nasabutan.

Ang nahimong mga evaluators mao sila Department of Interior and Local Government City Director Jimylen H. Ballicud, kauban ni City Councilor Mario I. Gesta, Councilor Rico Nagas, Engr. Elmer Tecson ug Hermogenes Pegoro.

Ang maong kalihukan mao ang premero nga pagpahigayon sa syudad ug kini mahimong sinugdanan sa mas lig-on ug mas responsableng pagresponde sa mga Surigaonon panahon sa kalamidad. (CDRRMO-Surigao City/PIA-Surigao del Norte)