(PAGASA 24-HOUR PUBLIC WEATHER FORECAST as of Wednesday, 04 August 2021) Southwest Monsoon affecting the country. At 3:00 PM today, a Low Pressure Area (LPA) was estimated based on all available data at 550 km Northeast of Itbayat, Batanes (24.5N, 125.4E). TROPICAL CYCLONES OUTSIDE PAR AT 3:00 AM TROPICAL DEPRESSION LOCATION: 735 KM WEST OF EXTREME NORTHERN LUZON (21.1°N, 114.8°E) MAXIMUM SUSTAINED WINDS: 55 KM/H NEAR THE CENTER GUSTINESS: UP TO 70 KM/H MOVEMENT; EAST SOUTHEASTWARD SLOWLY Caraga Region will have Partly cloudy to cloudy skies with isolated rainshowers or thunderstorms due to Southwest Monsoon. Possible flash floods or landslides during severe thunderstorms. Light to Moderate winds coming from Southwest will prevail with Slight to Moderate seas / (0.6 to 2.1 meters).



Tuesday, June 29, 2021

Business opportunities sa Agusan del Norte gipresenta sa usa ka business forum

DAKBAYAN SA BUTUAN -- Nahatagan ang probinsya sa Agusan del Norte og higayon nga makahanyag sa mga investment opportunities sa lugar.

Sa usa ka zoom conference gi-presenta sa probinsya, pinaagi sa AGUSAN UP! Coordinating Center ug Provincial Economic Enterprise Development and Management Office ang mga proyekto nga posibleng sudlan sa mga investors.

Sa presentasyon, gihanyag sa AGUSAN UP Coordination Center ang mga opportunidad sa negosyo ubos sa Plant and Process for Prosperity o Agus 3Ps, ang flagship program niini sa ekonomikanhong pagpalambo.

Ubos sa Agus 3Ps, nasulod ang mga proyektong Food Security Enhancement diin 11,000 hectares ang himoong expansion alang sa sa sufficiency sa probinysa sa mga pagkaon nga haum sa kayutaan niini.

Ang laing investment area mao ang ubos sa Plant! Plant! Plant! activities diin 125,000 ektaryas ang gipunting nga tamnan sa priority high value crops nga mao ang abaka, saging, bulanghoy, kape, cacao, rubber, lubi, commercial trees, mangga ug uban pang prutas.

Gihanyag usab ang mga oportunidad sa negosyo diha sa 15 ka inisyal nga core processing projects sa mga lungsod ug Syudad sa Cabadbaran nga mogamit sa mga ani ubos sa Plant! Plant! Plant! isip hilaw nga materyales. 

Aron makab-ot ang panglantaw nga mahimong Agri-Processing Center ang probinsya sa tibuok Caraga Region sulod sa pito ka tuig o hangtud 2027, nanginahanglan ang probinsya og “partner” ug “investors” nga moabag aron mapatuman ang dakung damgo nga mga proyekto.

Mahinumduman nga mianhi sa Butuan niadtong 2019 ang mga opisyal sa Embassy of the Republic of Indonesia and Consulate of the Republic of Indonesia ug nakighinabi kang Gob. Dale B. Corvera kalabot sa mga investment opportunities sa probinsya. 

Gitubag kini sa probinsya pinaagi sa pagpresenta sa mga oportunidad nga mamugna ubos sa AGUSAN UP!, ang kampanya pagpalambo ni Gob. Corvera kaabag ang buhatan ni Kong. Angel Amante-Matba.

Sa pagka karon, gilantaw sa probinsya ang pag-abot sa mga pakisusi sa mga investors nga apil sa maong forum. Usa sa nakaani og inisyal interes gikan sa mga potensyal nga investors mao ang posibleng partnership ubos sa Plant! Plant! Plant! Usa sa mga apil sa maong forum ang nangutana kalabot niini.

Ang maong forum kabahin sa “Indonesia Food, Beverage, Lifestyle Virtual Expo 2021” nga nag dala sa tema nga Promoting Business and Investment Opportunities in Mindanao to Indonesia.”

Ang laing mga presentors sa maong forum mao ang Mindanao Development Authority nga mipresenta sa emerging trends sa Mindanao ug ang Board of Investment sa Pilipinas  kalabot sa mga insentibo nga posibleng makuha sa investors. (Karen Decamotan with a report from Daniel Espina, LGU Agusan del Norte/PIA Agusan del Norte)