203 aktibong kaso sa COVID-19, naitala sa lungsod ng Tandag
By: Nida Grace P. Barcena
TANDAG CITY, Surigao del Sur, Hunyo 24 (PIA) – Umabot na
sa 203 indibidwal ang naitalang aktibong kaso na nagpositibo sa coronavirus
disease 2019 o COVID-19 sa syudad ng Tandag, base sa ipinalabas nilang
situational report ng lokal na pamahalan ng syudad noong Hunyo 23 ng
kasalukuyang taon.
Base sa pinalabas na Situational Report No. 74, simula ng pandemya, nakapagtala na ang syudad ng 805 na kumpirmadong nagpositibo, kung saan 203 nito ang mga aktibong kaso, 586 ang mga gumaling na (recovered), samantalang 19 naman ang namatay.
Napag-alaman na ang mga naitalang aktibong kaso ay nagmula sa
mga sumusunod na barangay: Telaje (48), Mabua ( 32 ), Bag – ong Lungsod ( 20 ),
San Agustin Sur ( 20 ), Awasian ( 19 ), Rosario ( 19 ), Dagocdoc ( 18 ),
Bongtud ( 8 ), San Agustin Norte ( 8 ), Buenavista ( 4 ), Bioto ( 3 ),
Salvacion ( 3 ), ug San Isidro ( 1 ).
Sa kabuuang 203 na mga aktibong kaso, 132 nito ang Asymptomatic,
samantalang 71 ang may mga sintomas. Kasalukuyan sumasailalim sa istriktong
kwarentina sa kanilang mga bahay ang 132 na mga indibidwal, 37 ang nasa
quarantine facility, 32 ang nasa Adela Serra Ty Memorial Medical Center,
(ASTMMC), at dalawa (2) ang nairefer sa ibang health facility.
Samantala, umabot naman sa 1, 978 ang mga suspetsadong
mayroong kaso ng COVID-19 sa kasalukuyan na patuloy na minomonitor nga mga
health workers sa nasabing syudad. (PIA-Surigao del Sur)
