(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


Monday, March 1, 2021

Pagplano alang sa 'cash-for-work' diha sa mga environmental mitigation projects gihimo

By Shena Mae Pabia

DAKBAYAN SA BUTUAN, Marso 1 -- Gipasiugdahan sa rehiyonal nga buhatan sa Department of Social Welfare and Development (DSWD) ang Forum ug Consultation cum Planning Workshop sa Agusan del Norte ug Agusan del Sur Cluster kalabot sa Risk Resiliency Program - Climate Change Adaptation and Mitigation (RRP-CCAM) Program.

Gipunting sa maong programa dili lang aron makatabang pagpamugna og trabaho ubos sa cash-for-work scheme alang sa mga apektado sa coronavirus disease 2019 (COVID-19), kanhi mga rebelde, apil sa 4Ps, ug mga ug vulnerable nga households kon dili aron ma-protektahan usab ang kinaiyahan ug makunhuran ang mga katalagman ilawom sa climate change adaptation and mitigation, lakip niini ang disaster prevention and preparedness.

Apil sa nakitang mga proyekto panahon sa workshops diin mahimong makatrabaho ang mga tawo tree growing, reforestation, tree guard making, construction/improving of river canals ug recycling of plastic bottles.

Sumala ni Maryfel Jerios nga ang gi-propose nga proyekto inaug sa LGU for approval, padayon ni Jerios.

Ang maong kalihukan gipangunahan Ramel F. Jamen, OIC regional director ug mga personahe sa maong opisina, kaabag ang mga representante sa Municipal Social Welfare and Development Offices, Municipal Disaster Risk Reduction and Management Offices, Local Chief Executives sa nagkalain-laing local government units sa mga probisya sa Agusan del Norte ug Agusan del Sur.

Kaabag ang DSWD sa pagpatuman sa Lunhawng Agusan Flagship Program sa AGUSAN UP!, ang kampanya sa pagpalambo sa administrasyon ni Gov. Dale B. Corvera ug sa buhatan ni Cong. Angel Amante-Matba. (Agusan Up, LGU Agusan del Norte/PIA Agusan del Norte)

Abot sa mga mag-uuma sa Abaca gilantaw nga mosaka tungod sa mga bag-ong makinaryas

By Angel Lyn F. Gaviola

DAKBAYAN SA BUTUAN, Marso 1 -- Gilantaw nga mas modaku pa ang kita sa mga mag-uuma sa abaca alang sa ilang mga ani tunogd sa bag-ong mga makinaryas nga gipadangat sa local government unit sa Cabadbaran ug City Agriculture Office (CAO).

Pormal nang giturn-over ngadto sa upat ka mga asosasyon sa abaca farmers sa maong siyudad niadtong Pebrero 18, ang upat ka unit sa abaca stripping machines, aron mas mopaspas pa ang pagproseso sa ilang mga ani ngadto na sa lanot.

Sumala pa kang Mayor Judy Amante nga gipaningkamotan gyod sa panggamhanan nga mahatag sa mga mag-uuma ang mga panginahanglanon nga dako og tabang alang sa ilang panginabuhian sa mga mag-uuma sa abaca.

Dugang sa mayor nga panahon pa ni Gob. Dale B. Corvera, nga nahimong mayor sa Cabadbaran sulod sa tulo ka termino, ang paghatag og ayuda sa mga mag-uuma, ilabi na sa abaca nga maoy nanguna karon nga gitanum sa siyudad, ug iya lamang gipadayon sa kasamtangan.

Nagkantidad og P150 mil ang matag makinarya nga gipadangant sa Ansili Tribal Association, Inc., Lusong Manobo Mamanwa Farmers, Inc., Mamanwa Manobo Indigenous Peoples Org., ug Puting Bato Farmers Association, sumala pa kang Ma. Arcelle Soria, ang city agriculturist.

Dugang ni Soria nga giplanuhan na usab sa LGU ang pagtukod sa Consolidation Center alang sa mga abaca farmers didto sa Brgy Mahaba, nga gigahinan na og P1.5 milyon sa local nga panggamhanan.

Sa pinakaulahing datos nga natala sa CAO, mokabat na sa kapin kon kulang 500,000 hills sa abaca ang natanom gikan sa kapin kon kulang 190 ektaryas nga plantasyon sa abaca sa syudad.

Katambayayong ang Cabadbaran sa pagpatuman sa Plant! Plant! Plant! and Process! Process! Process! Projects sa AGUSAN UP!, ang kampanya sa pagpalambo sa administrasyon ni Gob. Corvera kaabag ang buhatan ni Kong. Angel Amante-Matba. (Agusan Up, LGU Agusan del Norte/PIA Agusan del Norte)

Blessing sa gi-konkretong kalsada sa entrance sa PPO gihimo

By Karen Kei Decamotan

DAKBAYAN SA BUTUAN, Marso 1 -- Gihimo ang blessing ceremony bag-ohay pa lamang sa hapit P1 milyon nga Road Rehabilitation Project sa main entrance sa Agusan del Norte Provincial Police Office (PPO) sa Camp Rafael Rodriguez ning dakbayan.

Niini, mapasalamaton kaayo ang mga kadagkuan sa kapolisan sa rehiyon ug sa probinsya kang Gobernador Dale B. Corvera ug Kongresista Angel Amante-Matba tungod sa pundo nga gigahin sa probinsya alang sa maong proyekto.

“Thank you to our two great leaders Gov. Dale and Congw. Angel for the support and pagtubag to our request in funding this road,” sumala pa kang PBGen. Romeo M. Caramat.

Dugang ni PBGen. Caramat nga walay puas ang suporta sa duha ka lider sa Agusan del Norte ug dali nilang giaksyonan ang ilang hangyo nga ma-semento ang maong kalsada.

Mapasalamaton usab si PNP Provincial Director PCol. Martin Gamba sa probinsya tungod sa mga suporta niini panahon nga naay aktibidad nga ilang himoon.

Sa iyang mensahe, gipasabot ni Gob. Corvera ang maong proyekto nga kalsada bunga sa pagtampohay sa gobyerno ug pribadong sector.

“Dili sayon mangita og kwarta para sa usa ka proyekto,” sumala pa ni Gob. Corvera.

“Mao nga I’m very happy that this project is completed out of the convergence of support not only from government but also from the private sector,” dugang Gob. Corvera.

“Ang usa ka dakung problema mahimong gamay kung kita magkahiusa. That’s what we need in governance,” panapos sa gobernador. (Agusan Up, LGU Agusan del Norte/PIA Agusan del Norte)