(PAGASA 24-HOUR PUBLIC WEATHER FORECAST as of Monday, 10 May 2021) Intertropical Convergence Zone (ITCZ) affecting Southern Luzon, Visayas and Mindanao. Caraga Region will experience Cloudy skies with scattered rainshowers and thunderstorms due to Intertropical Convergence Zone (ITCZ). Possible flash floods or landslides during moderate to at times heavy rains. Light to moderate winds coming from East to Southeast will prevail with slight to moderate seas/(0.6 to 2.1 meters).

Thursday, January 28, 2021

African Swine Fever mahimong makuha sa pasaw nga pagkaon sa binuhing baboy

By Angel Lyn F. Gaviola

DAKBAYAN SA BUTUAN, Enero 28 -- Subling nagpahimangno ang Provincial Veterinary Office (PVO) nga likayan ang swill feeding kon pagpakaon og mga pasaw sa mga binuhing hayup ilabi na sa mga baboy aron malikayan ang posibleng pagtapot sa sakit nga African Swine Fever (ASF).

Sumala ni Dr. Belen Aruelo, Provincial Veterinarian sa Agusan del Norte, nag-unang hinungdan sa pagkaylap sa sakit nga ASF mao ang pagbahug og mga pagkaon nga dili angay ipakaon sama sa mga salin-salin sa kusina, ug kadtong mga gi-dispose sa foreign vessels ug aircrafts.

“Dili gayud maayo nga ipakaon nato nang mga left-overs nato, mga pasaw kay mao man ni ang rason diha gyud makuha ang sakit labi na kining ASF,” sulti ni Dr. Aruelo.

Padayong gi-monitor sa Task Force on African Swine Fever and other Emerging and Re-emerging Transboundary Animal Diseases Prevention and Control sa probinsya sa Agusan del Norte sa pagpanguna sa PVO ang pagbaligya sa mga produktong processed meat ilabina kadtong mga local processors tungod kay dunay dakong posibilidad ang ilegal nga pagpayuhot sa mga produkto gikan sa laing rehiyon nga kontaminado sa sakit.

“Mostly ang gamonitor gyud ang mga munisipyo sa ilang area, mo-coordinate sila sa amo once naay suspect nila but so far, ang atong mga processors nag-undang sa sila karon tungod kay walay supply sa baboy,” sigon ni Dr. Aruelo.

Gidasig sa buhatan ang publiko nga itaho gilayon sa PVO o kaha sa ilang tagsa ka munisipyo ang unsa mang mamatikdan nga kalihokan nga dili kasarangan sama sa ilegal nga pag-ihaw og mga baboy nga dili sa Locally Registered Meat Establishments (LMRE) o sa mga rehistradong slaughterhouse gihimo. (Agusan Up, LGU Agusan del Norte/PIA Agusan del Norte)