(PAGASA 24-HOUR PUBLIC WEATHER FORECAST as of Tuesday, 23 December 2025) Shear Line affecting the eastern sections of Northern and Central Luzon. Northeast Monsoon affecting the rest of Northern Luzon. Easterlies affecting the rest of the country. Dinagat Islands, Surigao del Norte will be cloudy with scattered rains and thunderstorms due to Easterlies. Possible landslides or flashfloods due to moderate to at times heavy rains. Rest of Mindanao will be partly cloudy to cloudy with isolated rainshowers or thunderstorms caused by Easterlies. Possible flash floods or landslides during severe thunderstorms. Light to moderate winds from the east to northeast with slight to moderate seas (0.6 to 2.5 meters).


Tuesday, October 29, 2019


Deed of sale alang barangay site sa Bangonay gitakdang pirmahan

By Jay Vincent Demain

JABONGA, Agusan del Norte, Oktubre 29 -- Gitakda nang pirmahan ang deed of sale alang sa yuta nga himoong barangay site sa Barangay Bangonay, Jabonga human giaprobahan sa Sangguniang Panlalawigan ang usa ka resolusyon nga naghatag og otoridad kang Governor Dale B. Corvera nga mopirma sa maong dokumento.

Ubos sa deed of sale nga pirmahan sa panggamhanang probinsyal ug Mr. Emmanuel E. Rosales nga maoy nanag-iya sa yuta, mokabat ang yuta og 15,263 metro kwadrado nga maoy himoong ikaduhang site sa Barangay Bangonay agig tubag sa road widening project sa Department of Public Works & Highways (DPWH) nga nakaapekto sa ubang residente sa barangay.

Matod pa, 50 ka mga pamilya nga walay yuta ang prayoridad sa bag-ong luna aron mabalhin sila gikan sa landslide prone area sa barangay diin sila kasamtangan nagpuyo.
Basi sa rekomindasyon sa SP Committee on Human Settlement, Land Use & Provincial Properties nga gipangunahan ni Bokal Rodulfo A. Pitogo, gihatagan otoridad si Governor Corvera ubos sa Sanggunian Resolution No. 119-2019 diin suportado kini sa kompleto na nga mga dokumento nga gikinahanglan aron mapirmahan gilayon ang maong deed of sale. (LGU Agusan del Norte/PIA Agusan del Norte)
Posted by at