(PAGASA 24-HOUR PUBLIC WEATHER FORECAST as of Thursday, 06 May 2021) Intertropical Convergence Zone (ITCZ). Caraga Region will experience partly to cloudy skies with isolated rainshowers and thunderstorms due to Easterlies /localized thunderstorm. Possible flash floods or landslides during severe thunsderstorm. Light to moderate winds coming from East to Northeast will prevail with slight to moderate seas/(0.6 to 2.1 meters).

Sunday, August 10, 2014

Cebuano News: Ordinansa batok diskriminasyon, giaprubahan na

Ni Jay Vincent V. Demain

BUTUAN CITY, Aug. 10 (PIA) – Aron maproteksyonan ang matag Agusanon batok diskriminasyon, aduna nay ordinansa ang magasilot niadtong magabuhat niini pinaagi sa multa hangtod pagkapriso.

Kini ang unod sa Provincial Ordinance No. 358-2014 nga gitawag og Agusan del Norte Anti-Discrimination Ordinance nga nagadili sa bisan unsang klase sa diskriminasyon dinhi sa probinsya basi sa edad, disability, gender, kahimtang sa panglawas, panagway, political affiliation, relihiyon, sexual orientation ug social status.

Tuyo niini nga ordinansa sa Sangguniang Panlalawigan nga giduso ni Provincial Board Member Elizabeth Marie R. Calo nga mapreserbar ang mga katungod sa matag usa ma unsa man ang iyang estado sa kinabuhi.

Matod pa, diskriminasyon ang dili paghatag og access sa mga programa ug serbisyo sa gobyerno; ang dili pagdawat kaniya sa skwelahan; ang pagbalibad sa iyang aplikasyon sa usa ka trabaho, o ang pagpugos sa usa ka tawo nga mokuha og medical o psychological exam, ug uban pang buhat nga dili makatarunganon tungod lamang sa nakitang depekto kaniya.

Adunay mugnaon nga konseho sa barangay, munisipyo/syudad ug sa probinsya aron masiguro ang hugot nga implementasyon ning ordinansa. (LGU-Agusan del Norte/PIA-Agusan del Norte)