Cebuano News: SLP turn-over nagmalampuson

LAS NIEVES, Agusan del Norte, Abril 5 (PIA) - Gipangunahan ni Rep. Lawrence Lemuel 'Law' Fortun niadtong Huwebes ang pag turn-over sa mga tseke ngadto sa mga 18 ka Self-Employment Assistance-Kaunlaran Associations (SKA) pinasikad sa Sustainable Livelihood Program (SLP) sa Department of Social Welfare and Development (DSWD).

Ubos sa maong programa, ang gi-turn-over nga mga pundo mamahimong Capital Seed Fund alang sa paga-sugdan nga mga micro-enterprises sa mga SKAs. Sulod sa usa ka tuig, ang maong punod ibalik sa SKAs ngadto sa DSWD, ug kini magatuyok sa laing mga SKAs nga magkinahanglan.

Sa iyang mensahe, gipahimangnuan ni Fortun ang mga miyembro sa SKAs sa dakong kahigayonan nga gipadalit sa gobyerno kanilang mga labawng naginahanglan.

Matud sa magbabalaud, kini nag-uban ug dakong responsibilidad ug kaakuhan sa pag-gahum sa ilang kaugalingon. Naghatag usab kini ug igong kapasidad sa mga myembro aron sa pagmugna ug maayong kaugmaon dili lamang sa ilang mga pamilya ug komunidad, apan labaw sa tanan, alang sa atong nasud. (LAwig Katawhan/PIA-Agusan del Norte)