Cebuano News: Work plan kinahanglan una
mapagawas ang pondo alang sa proyektong rehabilitasyon sa Bohol, matud ni
Coloma
SURIGAO CITY, Okt. 23 (PIA) – Ang ahensya sa
panudlanan mopagawas og P7 bilyon ngadto sa Department of Public Works and
Highways alang sa rehabilitasyon sa Bohol sa oras nga maandam na ang usa ka
work plan.
Sumala ni Presidential Communications Operations
Office Secretary Sonny Coloma gikinahanglan gyud nga mapagawas gilayon ang
maong pondo alang sa rehabilitasyon aron ang lokal nga ekonomiya lakip usab ang
mga kinabuhi sa katawhan mabalik na sa normal.
Sumala pa niya nga ang Bohol usa sa mga
paboritong abtanan sa mga turista ug kini makaapekto gyud og dako sa dagan sa
lokal ug langyaw nga mga turista kung dili dayon matubag kining danyos sa
imprastruktura.
Si Secretary Coloma nagkanayon usab nga
pagakuhaon sa gobyerno ang maong P7 bilyon nga pondo ngadto sa mga
nagkalain-laing awtorisadong pondo sa gobyerno aron maoy gamiton alang sa rehabilitasyon
sa Bohol ug iya usab gipasalig nga tanang lakang nga pagahimoon sa gobyerno
magabase gyud kini sa balaod.
Dugang pa niya, nga ang Palasyo andam ug abli
nga modawat og hinabang gikan sa mga langyaw ug laing mga nasod.
(SDR/PIA-Surigao del Norte)
