(PAGASA 24-HOUR PUBLIC WEATHER FORECAST as of Wednesday, 22 May 2024) Easterlies affecting the country. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas (0.6 to 2.1 meters).

PIA News Service - Saturday, June 4, 2011

Cebuano News: Training ug dugang pang-apod-apod sa binhi sa humay sa kabarangayan, gipahigayon

ni Ritchelle F. Encabo

BUTUAN CITY, Hunyo 4 – Gipahigayon sa buhatan sa City Agriculture og igong pagbansay-bansay sa barangay Ambago ug pagpang-apod-apod sa mga binhi sa humay didto sa barangay Amparo dili pa lang dugay.

Kini nga bulohaton gidumala ni Engr. Alberto B. Buca, hepe sa maong buhatan inubanan sa iyang mga personahe tumong sa pag-edukar ug mapun-an ang kahibalo sa mga katawhan kabahin sa pang-agrikultura nga mao’y makaabag sa ilang mga panginabuhian.

Sa laing bahin nagpadayon usab ang pang- apod-apod sa binhi sa humay, usa sa mga programa sa lokal nga panggamhanan aron maabagan ang mga mag-uuma ni’ng dakbayan.

Tungod niini, gipaniguro ni Mayor Ferdinand Amante, Jr. nga dili mobati ug kagutom ang mga katawhan sa dakbayan tungod kay adunay abundang pananom nga tubag sa problema sa kakulangan sa pagkaon. (Butuan City PIO/PIA-Caraga)

Cebuano News: Pag-amuma sa mga katigulangan gihatagan og dakung pagtagad ni Mayor Amante

ni Amandalyn D. Gutierrez

BUTUAN CITY, Hunyo 4 – Gihatagan karon sa dakung pagtagad ni Butuan City Mayor Ferdinand Amante Jr. ang pag-amuma sa mga katigulangan pinaagi sa pagpatunhay sa serbisyong medikal.

Subay niini, regular nga gipahigayon sa Office of Senior Citizens Affairs (OSCA) ang “Pagga’am Hong mga Pinalanggang Senior Citizens Free Dental Extraction” matag adlaw sa Lunes sa buntag ug ingon man ang Free Physical Therapy, sa may alas 8:00 ang takna sa buntag hangtud alas 11:00.

Nahibalo-ang maggahin usab ang maong buhatan ug usa ka-Treatment for Senior Citizen with Disability matag Lunes nga adlaw hangtod sa Biyernes sa hapon.

Ang maong programa sa OSCA inabagan sa City Health Office sa pagpanguna ni Dra. Susan Cembrano ug Dr. Renato Jose Villanueva.

Samtang mapasalamaton usab ang buhatan sa OSCA ngadto kang Mayor Amante sa suporta nga gihatag sa atong mga katigulangan niining syudad. (Butuan City PIO/PIA-Caraga)

Cebuano News: Serbisyong pampubliko gidalit sa City Comelec

ni Gerry G. Gabiana

BUTUAN CITY, Hunyo 4 – Tumong nga mapahigayon ang paspas ug hapsay ng matang sa pangpang-rehistro sa mga bag-o ug mibalhin nga mga botante, ang buhatan sa City Comelec ni’ng dakbayan abli gikan pa niadtong Mayo 3.

Sa gihimong pakighinabi sa hepe sa City COMELEC nga si Mrs. Osea S. Makiling, gibutyag sa maong opisyal nga nahimong hapsay ug paspas ang pag-akomodar sa gipahigayon nga pagpagrehistro sa mga botante gikan sa 86 ka mga kabarangayan ni’ng siyudad.

Samtang sa gihatag nga Update Registration Report sa maong buhatan, mokabat sa 1,529 ka mga botante ang migahin sa ilang panahon aron marehistro sa naasoy nga buhatan.

Matud pa nga sa maong kadaghanon sa nagparehistro, 695 niini nga botante ang mga bag-ong nagaparehistro, kinsa nagapangidaron sa 18 anyos hangtod pataas, 52 nga botante ang nagapa-reactivate sa ilang mga rehistro, 189 ka mga botante ang gikan sa lain-laing lugar ug miparehistro dinhi niining buhatan sa syudad, 147 usab ang ana-a sa syudad apan nagabalhin sa kasilinganang barangay niining sulod sa dakbayan, 322 ka botante og katawhan ang nagapa-validate sa ilang pagkabotante, ug 124 ka botante ang nagapa-change of status ug correction of entries.

Nagahangyo ang hepe sa maong buhatan ug naga-awhag sa mga punong barangay niining dakbayan nga ilang tabangan ang mga katawhan sa tagsa-tagsa ka barangay aron kini marehistro sa maong buhatan.

Alang sa gusto pang magparehistro, abli ang buhatan sa City COMELEC gikan sa alas 8:00 sa buntag hangtod alas 5:00 sa hapon, gikan sa adlaw’ng Lunes hangtod Sabado. (Butuan City PIO/PIA-Caraga)

Cebuano News: Barangay Los Angeles sa dakbayan sa Butuan Nakigduyog sa Grand Pulong-Pulong

ni Jovelyn CataluΓ±a-Mejorada

BUTUAN CITY, Hunyo 4 – Nakigduyog ang barangay Los Angeles sa Grand Pulong-Pulong nga gipahigayon sa nagkadaiyang mga ahensya sa panggamhanan sa pagpanguna sa Armed Forces of the Philippines (AFP) ug Philippine National Police (PNP) inubanan sa lokal nga panggamhanan ni’ng dakbayan ubos sa liderato ni Mayor Ferdinand Amante, Jr.

Gimugna kini sa temang “Kalinaw, Panaghigugmaay ug Panaghiusa maoy Dalan sa Kalamboan,” tumong nga ang maong barangay makabaton sa kahapsay ug malamboon nga komunidad diin dako ang pasalamat ni Irene C. Monden punong barangay nga nahimong parte sa maong kalihukan.

Gilauman nga ang katawhan adunay kooperasyon sa mga plano sa barangay aron makab-ot ang kalinaw ug kalampusan.

Sigon sa pahayag ni Mayor Amante, ang pulong-pulong usa sa paagi sa gobyerno aron magtagbo ang mga panghuna-huna ug mahatagan og kasulbaran ang mga problema sa barangay pinaagi sa pagbaton ug honesty, transparency, ug accountability nga panggamhanan. (Butuan City PIO/PIA-Caraga)