5.15.2011

PIA News Service - Sunday, May 15, 2011

Cebuano News: City Planning and Development Office mipahigayon ug livelihood training ug job placement

ni Annette Villaces

SURIGAO CITY, Mayo 15 (PIA) - Ang buhatan sa City Planning and Development Office sa syudad sa Surigao mipahigayon ug Livelihood Training ug Overseas Job Placement, diin mokabat sa 500 ka mga kabataan sama na sa out of school youth, untrained adults ug professionals ang mipailayom niining pagbansay-bansay sa maong hamobo nga kurso.

Samtang ang Public Employment Service Office (PESO) ubos sa City Planning and Development Office mi assister usab sa 3 ka recruitment agencies sa pagpangdawat ug mga aplikante nga motrabaho gawas sa nasod.

Kini naglangkob sa 728 solicited job vacancies (local and overseas), 257 registered applicants, 197 referred ug ang 175 placed for employment.

Ang City Planning and Development Office maoy nagsilbing Technical Arm sa buhatan sa Mayor aron maoy mopahigayon sa maong mga proyekto. (Surigao City PIO/PIA-Surigao del Norte)


Cebuano News: Entrepreneurship training gihimo

BUTUAN CITY, May 15 - Sa tumong nga matudloan ang mga kabataan ug mamahimong maalamon sa ginagmay nga mga negosyo ug makatabang sa ilang tagsa-tagsa ka mga ginikanan. Maoy hinungdan nga gihimo ang Entrepreneurship Training ug Leadership Skills Training on Youth in/out of School didto may Barangay Mahay ning dakbayan niadtong adlaw Mayo 13, 2011.

Gipangunahan ni Engr. Alberto Buca, Hepe sa buhatan sa City Agriculturist uban sa iyang ginsakupan ang gihimo nga seminar. Kun diin dako ang kalipay sa mga kabataan nga mitambong sa maong aktibidadis gumikan kay sila natudloan sama mosunod: Livestock production, Rice food production, Corn production, Swine production, and Handicraft making.

Nanghinaot si Engr. Buca nga kini nga programa ang makatabang kini sa ilang pamilya og mamahimong kaabag sa ilang kalampusan. Mahinumduman nga kini nga programa hugot nga gipalapdan sa maong buhatan aron dugang panginabuhian sa atong kaigsuonang Butuanon. (Ritchelle Encabo, PIO-Butuan/PIA-Caraga)


Cebuano News: Motocross competition himuon sa Brgy. Libertad

BUTUAN CITY, May 15 - Subay sa kasaulogan sa Balangay Festival 2011 magpahigayon ang dakbayan sa usa ka pinasahing Motor Cross Competition nga pagasalmutan sa mga Professional Motor Cross Racers gikan sa nagkalaing-lain syudad sa probinsya sa Mindanao.

Matod pa ni Mr. Joy Lim, usa sa mga organizer sa maong kumpetisyon nga kini nga kalihokan ubay-ubay ang mosalmot nga nagagikan sa Dakbayan sa Davao, Cagayan De Oro City, Tagum City, Agusan Del Sur, Tandag City, Surigao City, Gingoog City, Lanao Del Norte og Surgao Del Sur.

Gilauman nga kini kompitisyon dagsangon sa bagang doot sa mga katawhan aron sa pagsaksi nini. Himuon ang maong kalihokan karong Mayo 18, 2011 sa Purok-6 Malalag, Barangay Libertad dakbayan sa Butuan.

Gipasiugdahan kini sa lokal nga panggamhanan ning syudad pinaagi ni Hon. Mayor Ferdinand Jun Amante isip major sponsor. Diin nagpaabot usab sa iyang dakung pagpasalamat sa mga mopartisipar maong kalihokan pinaagi na sa paghatag ug pinasahi nga kumpetisyon alang sa mga Butuanon. (Amandalyn Gutierrez, PIO-Butuan/PIA-Caraga)


Cebuano News: Ihap sa street children mikunhod

BUTUAN CITY, May 15 - Pinaagi sa pagpaningkamot sa lokal nga panggamhanan sa dakbayan pinanguluhan sa atong Mayor Dr. Jun Amante nga mahatagan sa saktong mga programa alang sa kaugmaran sa mga Street Children.

Nikunhod na karon ang ihap sa mga kabataang naglibod- suroy sa atong dakbayan. Mao kini ang gikumpirma ni Ma’am Daphne Auron Tuazon, Street Children In-Charge sa buhatan sa City Social Welfare and Development (CSWD).

Kwarenta y singko (45) sa kanhi 75 ka mga kabataan na lamang ang ginamonitor sa maong buhatan diin gipalawom kini sa mga Seminar ug Counseling.

Biyente-singko (25) ka mga kabataang lalaki ang karon nag-involve sa mga socio-civic activities, diin regular kini siyang nagsalmot sa mga nagkalain-laing Dance Contest arun ipakita ang ilang mga talento taliwala sa ilang sitwasyon. Biyente (20) usab ka mga kabataang babae ang makaplagang nagatuon sa “Kangyatan Hong kabataan.” Usa ka programa nga nagatudlo sa maong mga kabataang babae sa 3R’s (Reading, Writing, Arithmetic) ug moral values. Biyente-singko (25) niini ang nibalik na usab sa sabakan sa ilang tagsa-tagsa ka pamilya.

Dugang pa nga gitutukan usab nila ang mga rugby boys sa dakbayan diin gituboy sa maong buhatan ug usa ka rehabilitation centers alang kanila. (Christopher Simogan, PIO-Butuan/PIA-Caraga)


Cebuano News: Butuan nagmadaugon sa 4H kumpetisyon sa Department of Agriculture

BUTUAN CITY, May 15 - Nagpahigayon ang Department of Agriculture (DA) sa indigay nga gipahigayon sa Provincial Training Center niadtong katapusang semana sa bulan sa Abril subay kini sa selebrasyon sa bulan sa Mayo nga gitawag og Farmer Fisher Folks diin nagtangag sa temang “Rural Based Organization motion towards food Security and Self Sufficiency. Gilangkuban ang maong indigay sa mga mosunod: Vermi Composting Organic Fertilizer Production (Demo Contest); Chevon cooking Contest; Kakanin Contest; Handicraft making contest; Gng. RIC (Rural Improvement Club).

Atol sa maong kompetesyon nigawas nga mananaog ang mga representante gikan sa dakbayan sa Butuan nga si Cherry Cagas, taga Barangay Santo Nino sa Vermi Composting Organic Fertilizer Production (Demo Contest). Tungod sa maong kadaugan siya ang napiling morepresenta sa dakbayan ngadto sa Davao City alang sa national nga kompetesyon sa 4H (Head, Heart, Hand, Health) karong Mayo 17-20 nga pagasalmutan sa tanang rehiyon sa atong nasod. (Ritchelle Encabo, PIO-Butuan/PIA-Caraga)


Cebuano News: Liga Equipment Motor Pool, promal na'ang gibuksan

BUTUAN CITY, May 15 - Pormal ng gibuksan ang Liga Equipment Motor Pool, kagahapon adlawa Mayo 11, 2011 alas 9:00 sa buntag. Gipangunahan kini pinaagi sa usa ka inbokasyon ni Hon. Cresente T. Carin, Brgy. Kapitan sa Brgy. Antongalon. Nahimong pinasidunggang bisita si Hon. Mayor Jun Amante, Vice Mayor Hon. Lawrence Lemuel H. Fortun og Ms. Leah A. Mendoza ang City Administrator sa syudad sa Butuan.

Gisaysay ni Hon. Amora ang mga proyekto atol sa maong okasyon, sama sa 340,000 ka pesos alang sa konstruksyon sa Liga Motor pool l,375,000 ka pesos ug alang sa Funeral Service Vehicle (CANTER) ug 2 ka maotorsiklo nga nagkantidad ug 58, 000 ka pesos ug 74, 000 pesos gikan sa iyang City Wide Development Fund.

Sa mensahe ni Hon. Nestor Amora, ABC President, sa dakbayan nga iyang paningkamutan nga matubag ang mga panginahanglanon sa tanang kabarangayan. Giklaro sa maong opisyal nga pinaagi sa pagtinabangay makab-ot sa tanang kabarangayan ang kalamboan pinaagi usab sa dakung suporta sa kasamtangan mga opisyal sa dakbayan. (Amandalyn Gutierrez, PIO-Butuan/PIA-Caraga)


Cebuano News: Deputized Barangay Traffic Enforcers Pagamugnaon

BUTUAN CITY, May 15 - Pagasugdan na pipila ka adlaw gikan karon sa buhatan sa Land Transportation and Traffic Management Office (LTTMO) ang pagbansay alang sa pagamugnaong “Deputized Barangay Traffic Enforcers” nga maoy magrenda sa kahapsay sa dagan sa trapiko sa tagsa-tagsa nila ka area of responsibility.

Nasayran pinaagi ni Mr. Alfred Radaza, hepe sa maong buhatan nga nagapadayon na sila sa pagpangdawat sa mga request sa mga kabaranggayan alang sa nasangpit nga programa.

Pagalangkuban sa mga Barangay Tanod, Barangay Workers, ug mga Barangay Officials, mismo ang maong mga bag-ong traffic enforcers. Ipailawom sa seminar ug duha ka adlaw nga pagbansay- bansay mahitungod sa mga balaod, matang sa mga kalapasan ug maingun man ang maayong pagtratar ngadto sa mga motorista nga makalapas sa balaod sa trapiko.

Adunay 60:40 nga share nga pagabahinun tali na sa lokal nga panggamhanan ug sa mga hingtungdang barangay. Gilauman nga pinaagi niini nga mas masabtan pa sa mga motorista ang kamahinungdanon sa pagsunod sa balaod sa trapiko arun dili mag ungaw sa kakuyaw ang tagsa tagsa nila ka kinabuhi. (Christopher Simogan, PIO-Butuan/PIA-Caraga)


Cebuano News: Grand parade gipangandaman sa LTTMO

BUTUAN CITY, May 15 - Subay sa nagsingabot nga kasaulogan sa kapistahan ning dakbayan sa Butuan, hugot nang gipangadaman sa buhatan sa Land Transportation and Traffic Management Office (LTTMO) ang grand parade nga ipahigayon atol sa adlaw sa kapistahan karong Mayo 19, 2011.

Gilauman usa kini sa pinakataas nga parada nga pagabuhaton sa atong syudad, magasugod ang maong parada didto sa Obrero bahin sa Montilla Boulevard ug mopadayugdog kini paingon ngadto sa Butuan City Sports Complex, Brgy. Libertad sakay ang tagsa-tagsa ka mga Theater Float sa matag Departamento sa lokal nga panggamhanan.

Tungod niini, gila-umang makabalda kini sa dagan sa trapiko sa atong dakbayan, hinungdan nga nanawagan si LTTMO Chief Alfredo Radaza sa mga motorista sa gamay nga pagsabot sanglit kabahin kini sa tinuig nga selebrasyon nga pagasaulogon sa mga katawhan ning dakbayan sa Butuan. (Jovelyn Cataluna Mejorada, PIO-Butuan/PIA-Caraga)