Tubay gipasa ang Heritage Conservation Code
DAKBAYAN SA BUTUAN -- Aron mas maprotektahan ug mapriserba ang kabilin sa lungsod, gipasa sa Sannguniang Bayan ang Tubay Cultural Heritage Conservation Code pinaagi sa Municipal Ordinance No. 2023-162 sa pagpanginahanan ni Sagguniang Bayan Member Rosalina O. Guzo.
Ang Tubay Heritage Conservation Code nagtumong sa pagpasiugda og lokal nga mga polisiya nga may kalabotan sa cultural preservation, nga masiguro nga mosubay kini sa Republic Act No. 10066 o ang National Heritage Act of 2009, lakip na ang ubang mga legal nga framework nga nagasuporta sa kultural nga kabilin.
Gikan sa mga kasaysayan, tradisyon, arkitektura, hangtod sa mga lokal nga kasaulogan, ang ordinansa nagtinguha nga mapreserba ug mapalambo kini aron magpabiling buhi ang kultura sa Tubay, nga usa sa labing bililhon nga bahandi sa lungsod.
Gilauman nga pinaagi niini, mosaka ang kalidad sa lokal nga turismo, mapauswag ang ekonomiya, ug mas mapaambit sa sunod nga henerasyon ang kabilin nga kanunay nang giila nga kabahin sa pagka-Tubayn-on.
Kini giaprobahan sa Sanggunian Resolution No. 114-2025 sa pagpangamahan ni Provincial Board Member Rodulfo A. Pitogo uban sa iyang mga co-authors nga sila Provincial Board Member James T. Reserva ug Provincial Board Member Erwin L. Dano. (PLGU Agusan del Norte/PIA Agusan del Norte)
