Pagsasanay sa Sebwano ng mga kawani ng KWF, matagumpay na naidaos
LUNGSOD NG BUTUAN -- Pinangunahan nina Dr. Arthur P. Casanova, Tangapangulo ng Komisyon sa Wikang Filipino (KWF) at Gng. Lourdes Hinampas, PunΓ² ng Sangay ng Lingguwistika at Aplikadong Lingguwistika (SLAL) ang idinaos na seremonya ng pagtatapos ng pagsasanay sa wikang SebwΓ‘no noong Abril 10 sa opisina ng KWF sa MalacaΓ±ang Palace Complex, San Miguel, Maynila.
Labinlimang kawani ng KWF ang nakilahok sa sampung sesyon ng pagsasanay sa wikang SebwΓ‘no na ginanap tuwing Huwebes at Biyernes mula Pebrero–Abril 2025.
Layunin ng pagsasanay na ihanda ang mga kawani ng KWF sa isasagawang pananaliksik at pangangalap ng datos hinggil sa wikang BisayΓ‘/BinisayΓ’, at sa iba pang gawaing pananaliksik sa Visayas at Mindanao.
Inimbitahan si Emil Isaac Conde upang magbahagi ng kaniyang kaalaman sa wikang SebwΓ‘no. Tinuruan ni Conde ang mga kawani ng KWF kung paano makisalamuha gamit ang SebwΓ‘no, kabilang ang paggamit ng ilang karaniwang salita at ekspresyon na mahalaga sa mga simpleng pang-araw-araw na ugnayan.
Malaki ang naitulong ng sampung sesyon ng pagsasanay sa mas malalim na pag-unawa sa ilang mga katangian ng wikang SebwΓ‘no at sa paghahanda ng mga kawani ng KWF sa isasagawang pananaliksik sa BisayΓ‘/BinisayΓ’ ngayong 2025. (KWF/ PIA Caraga)
