Dinagat Islands nakig alayon sa nasudnong paghinumdom sa Araw ng Kagitingan
DINAGAT ISLANDS - Nagmalampuson nga gipahigayon sa provincial government sa Dinagat Islands ang nasodnong paghinumdom sa ika-83 nga Araw ng Kagitingan nga adunay tema nga “Kabayanihan ng Beterano: Sandigan ng Bagong Pilipinas,” diin nagkahiusang gisaulog kini niadtong April 9, ngadto sa PDRRM Operations Center, Sta. Cruz, San Jose, Dinagat Islands.
Ang maong seremonya sa Araw ng Kagitingan o ang Day of Valor nagpasidungog sa patriyotismo, kaisog, ug padayon nga legasiya sa mga beterano nga Pilipino nga ang mga sakripisyo nagpadayon sa pagdasig sa kalamboan ug pagkahiusa sa nasud.
Basi sa kasaysayan nga niadtong Abril 9, 1942 atol sa World War II nahitabo ang gitawag nga ‘The Fall of Bataan,’ diin 75,000 ka mga sundalong Amerikano ug Pilipino ang nagsakripisyo ug nisukol kontra sa mga Hapones. Lakip niini nahitabo usab ang ‘Bataan Death March,’ diin pwersang gibal-is sa mga sundalong Hapon ang mga napresong sundalo gikan sa Mariveles ug Bagac, Bataan padulong sa Camp O'Donnel, Capas, Tarlac nga adunay 140 kilometrong distansya. Nahibaloan nga ang maong martsa nahimomg usa ka servere physical abuse ug wanton killing para sa mga sundalo diin mikabat sa 15,500 ngadto sa 18,650 kanila ang namatay atol sa nahitabong martsa.
Mipadayag usab og mensahe si Dinagat Islands Governor Demerey Jr., MPM nga dako iyang pasalamat sa mga bayaning nagsakripisyo sa ilang kinabuhi alang sa maayong kaugmaon sa nasud sa Pilipinas.
Atol sa maong kalihukan, anaa ang presensya ni PCOL Jerome A. Dela Cruz, provincial director sa Dinagat Islands Police Provincial Office, ug mga nagkadaiyang personahe gikan sa nagkalain-laing departamento ug ahensya sa sa probinsya, ug uban pa. (Lorense Mae Nidea, PIO PDI/PIA Dinagat Islands)
