Mga infra sa Mindanao, gitagaan ug prayoridad sa MinDA
BUTUAN CITY – Ang Mindanao Development Corridor-Joint Planning and Programming (MinDC-JPP) nga gipasiugdahan sa Mindanao Development Authority (MinDA) bag-uhay lang nagpulong para diskusyonan ang estado sa padayon nga konstruksyon sa mga dalan, tulay, og flood control projects sa Mindanao.
Kapin kon kulang 70 ka mga dalan, tulay, og flood control projects ang padayon nga ginapundohan pinaagi sa pangamhanang pundo nasyonal og foreign loans. Tulo niini anaa sa feasibility study stage og 12 ang naka-pipeline for implementation.
Tumong sa MinDC-JPP ang hiniusang pagplano og pagprograma sa mga imprastrakturang proyekto kauban ang Department of Public Works and Highways (DPWH), mga regional offices sa Department of Economy, Planning, and Development (DEPDev) sa Mindanao, og ang Bangsamoro Autonomous Region in Muslim Mindanao (BARMM) para sa kongkretong maipakita ang panginahanglanon sa mga maong mga proyekto aron ma-prayoridad sa pagpundo og mapadayon ang pag-budget niini kada tuig.
Gikatahong anaa na sa bana-bana 2,044.65 kms. ang nakumpleto out of 3,062 kms. nga giplanong proyekto ubos sa MinDC-JPP. Mukabat sa P5.5 billion usab ang na-allocate nga budget para sa tuig 2025 og P18.9 billion ang gina-propose para sa implementasyon sa tuig 2026.
Sa Northeastern Mindanao kon diin gilangkuban sa MinDA Area Management Office nga naka-base sa Butuan City, ubay-ubay na nga mga proyekto ang natuki og nagapadayon ang pagpundo sa tinuig nga budget. Sama sa dalan Agusan del Norte ngadto Bukidnon, Agusan del Sur ngadto sa Bukidnon og konektar ngadto sa Davao del Norte aron mas mapasayon og mapadali ang pagbyahe sa katawhan og mga kargamento.
Apil sa gihisgutan ang updates sa Samal Island - Davao City bridge nga anaa na sa 12.128 porsyento sa pagka- as of February 25, 2025 ang accomplishment, kauban ang mga flood control projects sa Tagum-Libuganon River Basin og ang nagapadayon nga flood control sa upper Agusan River Basin, Lake Mainit-Tubay River, Surigao River, Cabadbaran River, Cantilan River, og Tago River.
Gituki usab sa MinDC-JPP ang Surigao City - Dinagat - Leyte Road Network, ang Siargao Nautical Highway, og uban pang mga proyekto nga nagtinguha mas mapalambo ang road connectivity and trade route sa tibuok Mindanao pinaagi sa mekanismo sa MinDA nga Koridor sa Kauswagan sa Mindanao o Mindanao Development Corridor-Joint Planning and Programming. (MinDA-Northeastern Mindanao/PIA Caraga)
