Confiscated logs i-donar sa CENRO-Nasipit alang pabalay sa former rebels
DAKBAYAN SA BUTUAN -- Mokabat sa 16, 494.00 board feet nga confiscated logs and i-donar sa Community Environment and Natural Resources Office (CENRO) sa Nasipit aron gamiton sa tukurong housing units alang sa mga friends rescued (FRs) sa probinsya sa Agusan del Norte.
Ang maong pabalay itukod sa Sitio Talaganahaw, Barangay Talo-ao, Buenavista. Kini programa ubos sa administrasyon ni Gob. Ma. Angelica Roedell M. Amante agi’g integrasyon ug rehabilitasyon sa mga FRs ning probinsya isip pamaagi padulong sa ilang malinaw ug prodaktibong kinabuhi.
Aduna nay gihatag nga otoridad ang Sangguniang Panlalawigan kang Gobernador Amante sa pagpirma sa Deed of Donation tali sa probinsya ug CENRO-Nasipit pinaagi sa Sanggunian Resolution No. 126-2025 sa pagpangamahan ni Bokal Ryan Jade D. Lim, tsirman sa Committee on Human Settlement, Land Use and Provincial Properties inabagan nila Bokal Rodulfo A. Pitogo ug Bokal Dick Victor B. Carmona atol sa ika-123 Sesyon Regular sa SP kaniadtong Marso 21, 2025. (Ramil L. Pasco, PLGU Agusan del Norte/PIA Agusan del Norte)
