Bangus fingerlings dispersal, gipahigayon sa Barangay Plaridel, Libjo
DINAGAT ISLANDS — Aron mas mapalambo pa ang sektor sa pangisda usab ang mapausbaw ang panginabuhian sa lokal nga mga mangingisda isip kabahin sa mga lakang sa pagsiguro sa economic growth sa probinsya sa Dinagat Islands, niadtong, Enero 17, gipahigayon ang bangus fingerlings dispersal sa Punta Villa Beach Resort, Plaridel sa lungsod sa Libjo, sakop ning probinsya.
Mikabat sa 5,500 ka bangus fingerlings ang gi-turnover sa provincial government sa Dinagat Islands ilalom sa pagdumala ni Governor Nilo P. Demerey Jr., MPM, ngadto sa Dinagat Island Pure Organic Farmers Alliance kun DIPOFA.
‘‘Kani nga programa is coordinated with Provincial Governor’s Office, the provincial government of Dinagat Islands, together with the Bureau of Fisheries and Aquatic Resources (BFAR), to help every association nga mahatagan og livelihood program alang sa dugang panginabuhian ug aron pagpalambo sa komunidad sa mga mangingisda sa Dinagat Islands,’’ mao'y gipadayag nga mensahe ni Chief of Staff to the Governor Nilo Marco Demerey.
Matud pa ni DIPOFA Vice President Pedro Villaroso nga molangtod sa lima o unom ka bulan ang pagbuhi sa mga bangus adeser kini ma-harvest ug ang presyo anaa sa P160-P200, depende sa kadak-on niini. Dugang pa niya, dako ilang pasalamat sa gobernador sa gihatag kanila nga panginabuhian nga nakatabang sa kapin 300 ka mga membro sa DIPOFA, diin naka-harvest na ang maong asosasyon sa niaging tuig.
Atol sa maong kalihukan anaa si Focal Person on Agriculture Pelic Despi, District 1 Board Member Jocelyn Relator, Libjo Municipal Vice Mayor Zoltan Arnel Edera, Engr. Archival ‘Totik’ Cabajes Lomarda, Libjo Sangguniang Bayan member Sugar Estobo kauban nila Brgy. Magsaysay Chairperson Mary Ann Villarosa, Liezel Dela Cruz, Celestina Llamera, ug mga membro sa DIPOFA. (Alrose Emperado Pis-o, PIO PDI/PIA-Dinagat Islands)
