DepEd sa Dinagat Islands, nagpahigayon ug comprehensive sexuality education adolescent reproductive health convergence
DINAGAT ISLANDS – Nagmalampuson nga gipahigayon ang Provincial Comprehensive Sexuality Education Adolescent Reproductive Health Convergence cum Institutionalization of Information and Service Delivery Network niadtong Enero 24 sa Dinagat Islands nga gipangunahan sa buhatan sa Department of Education (DepEd) sa pakig-alayon sa nagkadaiyang buhatan sama sa Provincial Population Office, Provincial Health Office, Provincial Social Welfare and Development Office, Provincial Governors Office, Provincial Information Office, Philippine National Police, ug uban pa.
Atol sa programa, han-ay nga gipasabot ni Chief ES CID Lope C. Papeleras, PhD ang tumong sa programa mao nga mapahibalo ug mapasabot sa katawhan ang Comprehensive Sexuality Education nga i implementar sa buhatan sa Department of Education (DepEd) nga importanting masabtan hilabina sa mga kabantan-onan ang kabililhon ug ang pagsabot sa gender, sex, sexual behavior, personhood values, ug uban pa.
Dugang pa niining gipasabot kung unsa ang comprehensive sexuality education goal – usa ka proseso sa pagtudlo sa cognitive, emotional physical and social nga aspito sa sexuality nga mamahimong scientific, age-and developmentally appropriate, culturally and gender responsive, and with right-based approach.
Sa susamang higayon, mipaambit si Medical Officer III Donna Lyn D. Celeste kabahin sa overview mahitungod sa Adolescent Reproductive Health kung diin mao'y sentro sa programa.
Sigon usab kang Provincial Population Officer Lucio P. Mercado, Jr. nga ang Adolescent Reproductive Health ang usa sa mga gihingusgan sa buhatan niini. Mipaabot usab si Acting Chief - Operation Unit PMAJ Cesar E. Gealogo sa mga detalye subay sa mandatos sa Dinagat Islands Provincial Police Office (DIPPO) sama sa gidaghanon o ihap sa mga kaso sa pagpanlugos ug lakip niini ang pag-awhag nga andam kanunay ang ilang buhatan sa pagpanalipod sa tawhanong katungod.
Miduyog sa kalihukan ug mipaabot sa mensahe si Governor Nilo P. Demerey Jr., MPM sa programa niini nga Remedy sa Edukasyon, kung diin dako ang iyangpagtuo nga pinaagi sa maayong edukasyon dili layo nga makab-ot sa probinsya ang tiunay nga kalambuan. Gianunsyo usab niya ang nagkadaiyang serbisyon nga anaa karon sa probinsya. (Andres S. MaluƱas, PIO PDI/PIA-Dinagat Islands)
