(PAGASA 24-HOUR PUBLIC WEATHER FORECAST as of Wednesday, 19 February 2025) Shear Line affecting the eastern section of Northern Luzon. Intertropical Convergence Zone (ITCZ) affecting Southern Mindanao. Northeast Monsoon affecting Extreme Northern Luzon. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas / (0.6 to 2.5 meters).


Wednesday, 5 February 2025

Prov’l school board meeting sa Dinagat Islands, gipahigayon

DINAGAT ISLANDS - Aron hisgutan ang mga estratehikong pagpangandam alang sa umaabot nga 2025 Caraga Regional Athletic Games (CRAG), ug ang paglusad sa Surigao del Norte State University (SNSU) extension classes diri sa probinsya sa Dinagat Islands, ang Provincial School Board (PSB) sa Dinagat Islands nga gipangunahan ni Governor Nilo P. Demerey Jr., MPM, isip PSB chairperson, nipatawag sa unang tigom niadtong Enero 28, didto sa IJN Yamashiro People's Hall, Brgy. Cuarinta Sanjose, sakop ning probinsya.

Usa sa mga nag-unang agenda mao ang pag-apil sa Dinagat Islands sa CRAG 2025, nga nagtutok sa mga atleta sa in-house nga pagbansay, mga kinahanglanon sa budget, ug logistical nga pagpangandam aron mapalig-on ang delegasyon sa probinsiya. Gipasiugda usab sa board meeting ang kamahinungdanon sa sayo ug intensive nga mga programa sa pagbansay aron mapalambo ang abilidad sa mga atleta alang sa umaabot nga kompetesyon ngadto sa rehiyon.

Dakong highlight sa diskusyon mao ang umaabot nga SNSU extension classes nga gikatakdang ablihan karong Agosto, diin gipaambit ni Provincial Planning and Development Coordinator (PPDC) Jorge Daligdig nga ang Agro-Forestry, Marine Biology, ug Environmental Science mao ang giila nga priority courses nga mahimo kada SNSU Board ug nahiuyon sa ekolohikal ug ekonomikanhong talan-awon sa Dinagat Islands nga nagtumong sa pagpalapad sa access sa mas taas nga edukasyon ug paghatag sa mga Dinagatnon sa espesyal nga kahibalo nga hinungdanon alang sa lokal nga industriya ug malahutayon nga kinaiyahan.

Sa laing bahin, gipahibalo sa Philippine Statistics Authority (PSA) Dinagat ang board bahin sa ilang kolaborasyon nga mga paningkamot dili lamang sa lokal nga gobyerno sa probinsya apan lakip na sa Department of Education (DepEd), partikular na ang bag-o lang nga kasabotan aron mapadali ang pagproseso sa mga dokumento sa sibil nga nakabase sa eskwelahan sama sa birth certificates.

Ang maong panagtapok gitambungan ni Schools Division Superintendent Florence E. Almaden, CESO VI, inubanan nila School Governance and Operations Division Chief Education Supervisor (SGOD-Chief ES) Rene G. Ebol, Education Program Supervisor (EPS) ug Division Sports Coordinator Gregorio M. Dumagas, Senior Education Program Specialist sa Social Mobilization ug Networking (SEPS-SocMob) Benilda F. Eder, mga department head sa provincial government, representante gikan sa national line agencies, ug uban pa nga personalidad gikan sa Schools Division sa Dinagat Islands. (PIO PDI/PIA-Caraga)