20 ka paresan sa lungsod sa Las Nieves, gikasal
LAS NIEVES, Agusan del Norte -- Opisyal nga gibugkos sa kaminyoon ang 20 ka paresan atol sa gipahigayon nga Oplan Kasalan Sibil, kaniadtong Pebrero 18 sa municipal gymnasium, Barangay Poblacion.
Ang maong kasalan gidumala ni Mayor Karen S. Rosales isip solemnizing officer.
Ang maong programa naghatag og
oportunidad sa mga pares nga makadawat og libre nga kasal ug maplastar ang
ilang panag-uban isip bana ug asawa.
Giatol usab kini sa bulan sa Pebrero isip pagselebrar sa ika-35th Civil Registration Month.
Nakaangkon usab ang mga bag-ong kinasal
og tag-10 kilos nga bugas, libreng wedding cake, ug wedding portrait, gikan sa
LGU.
Ang maong kasalan gipasiugdahan sa Municipal Civil Registrar's Office, ubos sa pagdumala ni Kareza M. Banug, municipal local civil registrar officer.
Gitambongan sa pipila ka opisyales sa munisipyo, lakip si Vice Mayor Virgilio R. Escasinas Jr., Sangguniang Bayan members Avelina S. Rosales, Domingo S. Mulig, Jessica H. Navarroza, Antonio N. Jongko, ug Francisco G. Namuag Jr.
Misalmot usab si LDRRMO Jover A. Manligues, Municipal Agriculturist Leonito C. Pasquito, Sanguniang Bayan Secretary Robert Roquito N. Jugao, Deputy Chief of Police Sherwin Ponio, og BFP Representative FO2 Ronie C Ora Jr.
Mas gipabibo usab ang kasaulogan sa kasal sa pagsalmot isip host ni Lingayao Punong Barangay Noli Jay B. Dapat.
Mipakita usab sa ilang suporta ang uban pa nga punong barangay sa lungsod. (MIO Las Nieves, Agusan del Norte/PIA-Agusan del Norte)
