Suholan sa job order sa Buenavista, gi-usbawan
DAKBAYAN SA BUTUAN -- Sulod sa duha ka tuig kapin nga pangatungdanan ni Mayor Joselito T. Roble, ika-duha na kini nga pag-usbaw sa suholan sa mga job order (JO) nga mga trabahante sa lokal nga panggamhanan sa Buenavista apan epektibo kani sugod Enero 1, 2025. Ang usbaw sa suholan sa mga JO mokabat ngadto sa P400 ang adlaw gikan sa P350 ang adlaw.
Ang usbaw sa ilang suholan tubag sa nagkataas nga presyo sa palaliton sa basic commodities sa merkado.
Suportado ang maong lakang ubos sa Section 447 Local Government Code of 1991, nga naghatag og gahum sa LGUs sa pagdesinyo ug pagpatuman sa ilang kaugalingong organisasyonal nga istraktura ug staffing patterns nga gikonsiderar ang ilang mga kinahanglanon sa serbisyo ug pinansyal nga kapabilidad, ubos sa minimum nga mga sumbanan ug mga giya nga gilatid sa Civil Service Commission (CSC).
Ang maong lakang giaprobahan pinaagi sa Sanggunian Resolusyon No. 539-2024 sa pagpanguna ni Bokal Rodulfo A. Pitogo, tsirman sa Committee on Human Resource Development, Labor and Employment, ug inabagan nila Bokal Dick Victor B. Carmona ug Bokal Larry F. Bautista atol sa ika 110 regular sesyon kaniadtong Desyembre 3. (PLGU Agusan del Norte/PIA Agusan del Norte)
