Cabadbaran nahimong grand slam nat’l awardee sa CDA Gawad Parangal
CABADBARAN CITY, Agusan del Norte -- Sa Ika-tulong higayon nahimong Grand Slam National Awardee ang city government sa Cabadbaran sa gipahigayong Cooperative Development Authority (CDA) Gawad Parangal niadtong October 29 sa Crown Plaza, Manila Galler.
Si City Administrator Francis Denice Chin Amante ang ang midawat sa maong nasudnong pasidungog, kauban si City Cooperative and Development Officer Louiel C. Bulang, isip 1st Place nga Outstanding Local Chief Executive for Cooperative Development (Component City Category) sa tibook Pilipinas.
Ang maong pasidungog naangkon sa syudad sa managsunod nga tulo ka katuigan, (2022, 2023, 2024), tungod sa maayong kadumalahan sa tanang mga kooperatiba sa tibook syudad, pinaagi sa pag tabang kanila ug paghatag ug mga maayong programa aron nga mas mapalambo pa ang ilang kahugpungan. (Roselyn Gangca Exaure ug Demmard Banate, Cabadbaran City PIO/Agusan del Norte)
