33 nurses nga nadistino sa Cabadbaran City, nakadawat ug gasa
DAKBAYAN SA CABADBARAN, Agusan del Norte -- Dili na maglisod pa sa ilang pagpanerbisyo sa katawhang Cabadbaranon, ang 33 ka mga Department of Health (DOH) nurses nga nadestino sa 31 ka mga barangays sa syudad sa Cabadbaran, human kini nakadawat ug gasa gikan sa city government of Cabadbaran sa pagpanguna ni mayor Jude Chin Amante.
Tagsa ka medical kit ang ilang nadawat nga adunay sulod nga butas ug payong nga ilang magamit panahon sa init ug ulan, tumbler para sa ilimnong tubig, thermal gun para sa pagkuha ug temperatura sa lawas sa tawo, blood pressure apparatus, ug oximeter para pagkuha sa body oxygen ug heart rate.
Ang maong kit gipondohan kini sa LGU Cabadbaran pinaagi sa City Health Office, sa pagpanguna ni Dr. Jose Zaldy R. Secote, kansang tumong nga mas mapasayon ug mapadali ang ilang pag responde ug pag atiman sa tawo o pasyente nga nagkinahanglan ug hinanaling medical attention. (Roselyn Gangca Exaure ug Demmard Banate, LGU Cabadbaran/PIA-Agusan del Norte)
