Dinagat Islands nakigduyog sa pagsaulog sa adlaw'g natawhan ni PBBM
DINAGAT ISLANDS - Agi'g pagsaulog sa ika-67 nga kaadlawan ni President Ferdinand 'Bongbong' Romualdez Marcos Jr. nagmalampuson ang nahimong live coverage sa dungan nga 'Handog ng Pangulo: Serbisyong Sapat Para sa Lahat' nga kalihokan nga gipahigayon sa tanang rehiyon ug probinsya sa tibuok nasod nga hugot usab nga gisuporta sa provincial government sa Dinagat Islands ubos sa pagdumala ni Governor Nilo P. Demerey Jr., GSC, MPM karong adlaw'g Biyernes, Setyembre 13 ngadto sa Provincial EOC, Sta. Cruz, San Jose, Dinagat Islands.
Tumong usab niini nga kalihukan nga mapaduol ngadto sa mga katawhan o lumulupyo sa probinsya sa Dinagat Islands ang mga nagkadaiyang assistance ug serbisyong hatod sa mga nagkalain-laing ahensya sama Department of Labor and Employment (DOLE), Technical Education and Skills Development Authority (TESDA), Department of Agriculture (DA) sa pagpanguna ni DA-PCO Chief Rey U. Frias, Department of Trade and Industry (DTI) sa pagpanguna ni DTI-Provincial Director Elmer M. Natad, Department of Social Welfare and Development (DSWD), PhilHealth sa pagpanguna ni PDI Business Center Head Ybarra Royrino A. Colima Jr., ug uban pa.
Nagkadaiyang mag-uuma ug mangingisdang Dinagatnon usab ang nakigduyog sa maong kalihukan gikan sa managlahing munisipyo agi'g pagdawat sa mga gipangturnover nga mga proyekto para sa ilang matag asosasyon pinaagi sa DA ug DOLE sama sa asosasyon sa Cagdianao Farmers Agriculture Coop, Junction Navarro Vegetable Growers Association, Gen. Aguinaldo Agriculture Farmers, Don Ruben Senior Citizen Association, Montag Corn Growers Farmers Association, Bilabid Farmers and Fisherfolk Association ug ang Rita Glenda Farmers and Fisherfolk Association. Lakip usab niini anaa gipahigayon ang Kadiwa ng Pangulo ug ang Tabo sa Kapitolyo.
Atol usab niini nga kalihukan anaa ang suporta sa ahensya sa Department of the Interior and Local Government (DILG), mga departamento sa probinsya sama sa Office of the Provincial Agriculturist sa pagpanguna ni Provincial Agriculturist Rico B. Galinato, MPA, Provincial Health office (PHO), Provincial Public Employment and Services Office (PPESO), Board Member Jocelyn Relator, ug uban pa. (PIO-PDI/PIA-Dinagat Islands)
