(PAGASA 24-HOUR PUBLIC WEATHER FORECAST as of Saturday, 30 August 2025) At 3:00 AM today, the Low Pressure Area (LPA) was estimated based on all available data at 435 km West of Sangley Pt, Cavite City, Cavite (14.1°N, 116.9°E). Southwest Monsoon affecting Southern Luzon, Visayas, and Mindanao. π—”π—™π—™π—˜π—–π—§π—œπ—‘π—š π—ͺπ—˜π—”π—§π—›π—˜π—₯ π—¦π—¬π—¦π—§π—˜π— : Southwest Monsoon ang makaapekto sa rehiyon sa Caraga.


Thursday, 18 July 2024

Kapulisan sa Agusan Sur misalmot sa badminton tournament

PROSPERIDAD, Agusan del Sur -- Pormal nga gi-abrehan niadtung July 11 sa alas 8:30 nga takna sa kabuntagon ang 1st Police Colonel Yahya Bustamante Yusup Invitational Badminton Tournament 2024 nga gipahigayon sa Agusan del Sur Police Provincial Office (ADSPPO) badminton court sa Prosperidad, niining probinsiya.

Gisugdan ang maong programa pinaagi sa pag-ampo nga gisundan usab dayon sa usa ka welcome remarks ni Police Lieutenant Colonel (PltCol.) Jude Cres G. Milan, chief, Provincial Community Affairs and Development Unit (PCADU), pagbasa sa tournament rules ug oath of sportmanship ni Police Executive Master Sergeant (PEMS) Leonides Yaoyao, Provincial Executive Senior Police Officer (PESPO) ug ang mensahe gikan kang PltCol. Bonifacio C. Estrella Jr., deputy provincial director for administration.

Ang maong aktibidad gipahigayon isip selebrasyon sa kapistahan sa Lady of Mt. Carmel kung diin gisalmotan kini sa mga badminton player sa nagkadaiyang opisina sa kapulisan sa Agusan del Sur ug adunay laing kategorya nga gisalmotan usab sa mga sibilyan nga players sa maong probinsya.

“Hinaut nga kining atong pagtipon karong adlawa maghatag ug inspirasyon ug kalipay sa tanan, samtang padayon kita sa pagduso sa atong mga pangandoy nga mahatagan ug saktong siguridad ug hapsay nga komunidad kining atong probinsya isip usa ka mga tagpagpatuman sa balaod,” mensahe ni PLtCol. Estrella. (ADSPPO PRO13-Agusan del Sur Pulis/PIA-Agusan del Sur)