(PAGASA 24-HOUR PUBLIC WEATHER FORECAST as of Saturday, 30 August 2025) At 3:00 AM today, the Low Pressure Area (LPA) was estimated based on all available data at 435 km West of Sangley Pt, Cavite City, Cavite (14.1°N, 116.9°E). Southwest Monsoon affecting Southern Luzon, Visayas, and Mindanao. π—”π—™π—™π—˜π—–π—§π—œπ—‘π—š π—ͺπ—˜π—”π—§π—›π—˜π—₯ π—¦π—¬π—¦π—§π—˜π— : Southwest Monsoon ang makaapekto sa rehiyon sa Caraga.


Tuesday, 18 June 2024

Lungsod sa BUENASCAR nakadawat ug AKAP assistance

DAKBAYAN SA BUTUAN -- Mosuma-total 891 ka mga residente gikan sa lungsod sa Buenavista, Nasipit ug Carmen ni'ng probinsya sa Agusan del Norte ang nakadawat og ayuda niadtong Hunyo 13 sa Poblacion 2 lungsod sa Buenavista gamit ang pundo nga napahiluna ni Kong. Dale B. Corvera ubos sa Ayuda Para sa Kapus ang Kita Program (AKAP). 

Kini financial assistance para sa mga minimum wage earners kun 'near poor' diin ang pagpanghatag gipaagi sa buhatan sa Department of Social Works and Development (DSWD) Caraga. 

Ang mga nakadawat gikan sa sector sa mga persons with disabilities (PWD) ug mga driver diin ang pagpili sa maong mga benepisyaryo  gipaagi og cross matching sa DSWD aron kini dili mamahimong magbalikbalik sa pagdawat.

Ania sa maong programa ang halangdong gobernadora sa probinsya nga si Gob. Ma. Angelica Rosedell M. Amante kauban si Kong. Corvera, Bise Gob. Enrico R. Corvera ug pipila sa Sangguniang Panlalawigan members, Nasipit Mayor Democrito Roscoe B. Plaza, Buenavista Mayor Joselito T. Roble, mga kapitan sa ginsakupang mga barangay, ug ang mga MSWD officer sa matag lungsod.

Kini nga pagpanghatag subay usab sa paghandom sa ika-57 nga Adlawa sa Kasumaran sa Agusan del Norte ug ang ika-10 nga Sadow Festival. (PLGU-Agusan del Norte/PIA-Agusan del Norte)