Groundbreaking sa proyekto sa 3 ka LGU sa Agusan Norte, gipasinaya
DAKBAYYAN SA BUTUAN -- Gipahigayon kaniadtong Hunyo 21 ang ceremonial groundbreaking sa upat ka dagkong proyektong imprastraktura nga gigama sa tulo ka lungsod gikan sa pundo sa Office of the Presidential Adviser on Peace, Reconciliation and Unity kun (OPAPRU) ubos sa PAyapa at MAsaganang PamayaNan (PAMANA) program nga gipahigayon sa P-10 evacuation center, Barangay Balang-Balang, RTR.
Kini nga mga proyekto mao ang upgrading, improvement, construction sa Balang-Balang – San Antonio-Kaunlaran farm-to-market road (FMR) Phase 1 RTR; Kaunlaran-Masundong – Sumubay FMR (Phase 1) sa lungsod sa RTR ug syudad Sa Cabadbaran; konstruksyon sa Mahaba-Belwang FMR (Phase 1) sa syudad sa Cabadbaran; ug konstruksyon sa Afga-Sitio Linao-Linao, Barangay Lower Olave sa lungsod sa Buenavista.
Mapasalamaton ang mga municipal mayors tungod isa sila sa napili nga gibutangan og pundo sa maong buhatan sa tibuok nasod para sa pagtukod sa imprastraktura aron mapadali ang panginabuhian sa mga katawhan nga sakop niini.
Ang groundbreaking gipangunahan ni Governor Ma. Angelica Rosedell M. Amante, Asec. Cesar De Mesa, executive director for Local Conflict Transformation Cluster; Atty. Elisa Evangelista-Lapeña, director IV LCT FISU Mindanao; Dir. J. Anthony Peña, director IV, PAMANA ug mga mayor sa nasangpit nga mga lungsod.
Anaa usab si Bise-Gobernador Enrico R. Corvera uban ang pipila ka mga board members ning probinsya. (PLGU-Agusan del Norte/PIA-Agusan del Norte)
