Wednesday, 8 May 2024

Dinagat Islands nakadawat ug Beyond Compliant award sa Gawad KALASAG

DINAGAT, Dinagat Islands - Probinsya sa Dinagat Islands gipasidunggan sa National Disaster Risk Reduction and Management Council (NDRRMC) ug midawat sa Gawad KALASAG (KAlamidad at Sakuna LAbanan, SAriling Galing ang Kaligtasan) Seal of Excellence ug gideklarar nga Beyond Compliant ang probinsya sa pag-angkon og rating nga 2.76 sa Gawad KALASAG Seal para sa Local Disaster Risk Reduction and Management Councils and Offices (LDRRMCOs) nga kategorya para sa CY 2023.

Kini usa ka testamento sa mga proactive nga lakang sa PDI nga diin tukma sa gilatad nga standard subay sa Philippine Disaster Risk Reduction and Management Act of 2010 (Republic Act No. 10121). Dugang pa, ang munisipyo sa Tubajon, Dinagat Islands, gipasidunggan usab isip usa sa mga top 5 municipalities nga beyond compliant.

Ang pasidungog gihatag ni NDRRMC Undersecretary Ariel F. Nepomuceno ngadto kang Dinagat Islands Provincial Governor Nilo P. Demerey Jr., GSC, MPM uban ni Provincial Disaster Risk Reduction and Management Officer Rosario Jra. Roxas-Alon niadtong Mayo 6 sa 8th floor admin bldg, Office of Civil Defense, Camp General Emilio Aguinaldo, Quezon City. (PLGU-PDI/PIA-Dinagat Islands)