Malampusong
buy-bust operation batok sa ilegal nga pagtanom sa marijuana, nahitabo sa
Agusan Sur
Ang mga personahe kauban niini nga operasyon mao ang Cabanglasan MPS, Bukidnon Police Provincial Office (BPPO), Agusan del Sur Police Provincial Office (ADSPPO), Agusan del Sur Provincial Intelligence Unit (ADS-PIU), 1st and 2nd ADS Provincial Mobile Force Company (PMFC), Philippine Drug Enforcement Agency (PDEA) Caraga ug 3rd Special Forces Company (SFC), Special Forces Regiment Airborne (SFRA) nga miresulta sa malampusong paglarot sa marijuana sa duha ka site.
Ang una nga site, mukabat ug 900 ka square meters (sqm) nga adunay 6,200 ka tanom nga marijuana; ug ang ikaduha nga site mukabat ug 600 sqm. nga adunag lakip 4,200 ka tanom nga marijuana.
Sa kinatibuk-an mukabat og 10,400 ka tanom nga marijuana ang nalarot. Ang maong plantasyon gipanag-iyahan sa usa ka tawo nga nailhan sa alyas 'Jojo,' mag-uuma nga nakaikyas human niya mabantayan ang presensya sa mga operatiba.
Ang gipanglarot nga tanom na marijuana anaa karon sa kustodiya sa La Paz MPS alang sa hustong pag proseso ug himoon nga dad-on ngadto sa PNP Provincial Crime Laboratory alang sa dugang nga pag-imbestigar.
"Maraming salamat sa lahat ng personahe na tumulong para masugpo ang illegal na pagtanim ng marijuana sa ating probinsya. Ang kapulisan sa Agusan del Sur, ay gagawin po ang lahat sa abot ng aming makakaya na mahuli ang may pakana nito,” matod ni Police Colonel Yahya Bustamante Yusup, provincial director sa ADSPPO.
Para sa dugang nga impormasyon, mamahimong mokontak lamang sa La Paz MPS hotline sa 0929-454-9841.
Kini nahisubay sa process excellence perspective sa PNP P.A.T.R.O.L. Plan sa 2030 ubos sa tumong sa pagpalambo, pagpugong ug sayo nga pagsulbad sa mga krimen. (PRO13-Agusan del Sur/PIA-Agusan del Sur)
