Malampusong buy-bust operation sa Talacogon, Agusan del Sur miresulta sa pagkasakmit sa ilegal nga druga
PROSPERIDAD, Agusan del Sur -- Ang dedikasyon sa mga personahe gikan sa Talacogon Municipal Police Station (MPS) niining probinsiya maoy naghatag og dalan alang sa malampusong operasyon sa nagpadayong kampanya batok sa ilegal nga druga.
Ang maong buy-bust operation nahitabo niadtong May 23, 2024 (Huwebes) sa mga alas 5:00 sa kahaponon didto sa Purok 4 Sunrise, Brgy. Buena Gracia, Talacogon, Agusan del Sur, nga niresulta sa pagkasikop sa usa (1) ka suspetsado ug pagkasakmit sa ginadili nga mga butang.
Ang nahisgutang personahe nihimo og operasyon batok sa ilegal nga druga pinaagi sa buy bust operation nga miresulta sa pagkasakmit sa mosunod nga mga butang:
a. (3) ka
heat-sealed transparent plastic nga sachets nga adunay sulod nga gidudahang
shabu;
b. (2) ka
pinilo nga aluminum foil;
c. (2)
kabuok lighter;
d. (1) ka
P1,000 bill nga gihimong buy-bust money ug adunay Serial No. nga PY471268;
e. (1) ka
Samsung Cellphone;
f. (1) ka
coin purse; ug
g. 1) ka
belt bag.
Ang dinakpan nga suspetsado ug mga nasakmit nga butang anaa na sa kustodiya sa Talacogon MPS alang sa tukmang disposasyon. Ang ahensya nga nagpatuman sa balaod komitado sa pagsiguro nga ang tanan nga kinahanglan nga mga pamaagi ug ligal nga mga lakang gisunod aron mapadayon ang integridad sa kaso.
"Ang tagumpay na ito ay isang patunay ng walang humpay na pagsusumikap ng ating mga kapulisan upang maipatupad ang batas at maprotektahan ang ating komunidad mula sa salot na dala ng ipinagbabawal na droga," pahayag ni Police Colonel Yahya Bustamante Yusup, officer-in-charge sa Agusan Del Sur Police Provincial Office (ADSPPO).
Kini subay sa process excellence perspective sa PNP P.A.T.R.O.L. Plan 2030 ubos sa tumong nga epektibong solusyon sa paglikay ug pagpuksa sa mga dautang tao ug binuhatan. (PRO13-Agusan del Sur Pulis/PIA-Agusan del Sur)
