Outstanding coops sa Cabadbaran, pasidunggan
DAKBAYAN SA BUTUAN -- Pasidunggan na ang mga outstanding cooperatives sa Cabadbaran City, Agusan del Norte pinaagi sa City Ordinance No. 2023-020 o ang Ligdong Awards for Cooperatives of Cabadbaran City (LAC-CC) nga nagpakita og exemplary performance sa ilang operasyon pinaagi sa paghatag og kalidad nga serbisyo sa ilang mga miyembro.
Kini nga pasidungog inisyatiba ni SP Member Joan A. Monding, diin nagtinguha sa pagdasig sa mga kooperatiba nga mahimong aktibo sa tanang aspeto alang sa pagtubo ug pagpalambo sa ekonomiya sa siyudad sa Cabadbaran.
Ang award nga ilang madawat molangkob sa insentibo ug mga benepisyo.
Ang LAC-CC magsilbi usab nga isa ka forum alang sa pagbayloay og success stories ug best practices sa mga kooperatiba nga moresults sa pag-paambit sa kahibalo ug pagpauswag sa kapasidad sulod sa maong sektor.
Gilangkoban sa maong award ang mga naglain-laing mga kategorya sa ekselensiya nga mga mao ang Exemplary Performance in Cooperative Social Responsibility, Best in Collaboration, Excellence in Membership Growth and Expansion Program, Exemplary Performance in Cooperative Resiliency and Stability, Excellence in Providing Financial Inclusion Services ug Best in Gender and Development Mainstreaming.
Mismo si Bokal Francisco Y. Chan, Jr., chairperson sa Committee on Cooperatives and Community Organizations kauban sila Larry F. Bautista ug Nieva C. Famador ang nagduso nga maaprobahan ang maong ordinansa atol sa ika- 83 regular sesyon sa SP. (Reel Deligero, PLGU-Agusan del Norte/PIA-Agusan del Norte)
