4k prepositioned food packs sa Dinagat Islands, gigarantiya sa DSWD
.jpg)
DINAGAT, Dinagat Islands - Nagpahigayon og warehouse monitoring ang Department of Social Welfare and Development Field Officer Caraga Region kauban ang Disaster Response Management Division niadtong Mayo 9 sa probinsya sa Dinagat Islands.
Mainiton sab sila nga gisugat ni Executive Assistant IV, Marichu M. Demerey ug Security Officer IV Nilo Marco M. Demerey sa ilang personal nga pagbisita sa buhatan ni Governor Nilo P. Demerey, Jr., GSC, MPM ngadto sa People's Hall, IJN Yamashiro Bldg. sa parehong adlaw.
Ang maong panagkita nagtumong sa pagsusi sa 4,000 prepositioned food packs alang sa warehouse sa probinsya. Kini usa ka inisyatibo nga gitanyag sa DSWD kauban sa DRMD isip preperasyon alang sa food security kung adunay kalamidad. Ila usab nahisgutan ang nagkalain- lain nga lakang nga pwede himuon sa probinsya aron magarantiya nga anaa sa saktong kondisyon ang mga muabutay nga food packs o kini maipanghatag sa katawhan.
Mapasalamaton si Marco Demerey sa ahensya sa DSWD-DRMD alang sa replenishment nga ila gihatag sa probinsya.
“Dako kini nga higayon alang sa maayong kahimtang sa tanang Dinagatnon kung
adunay mga kalamidad nga muabot sa probinsya,” ingon si Demerey.
Nigarantiya usab siya ngadto kanila nga kanunay nga makig-uban ang Probinsya sa Dinagat Islands alang sa misyon sa maong ahensya nga mapa-abot sa tanang Pilipino ang ilang serbisyo nga gitanyag alang kanato.
Hugot nga nigarantiya usab ang DSWD-DRMD sa kanunay nga pagsuporta nila sa probinsya sa tanang proyekto nga itanyag niini nga nagtumong nga mahatagan og mas maayong kaugmaon ang tanang Dinagatnon ubos sa pagdumala ni Gov. Demerey ug tanang kaubanan niya sa panerbisyo sa tibuok probinsya sa Dinagat Islands. (PLGU-PDI/PIA-Dinagat Islands)
