33
operational accomplishments natigayon sa kapulisan sa Agusan Sur
Prosperidad, AGUSAN DEL SUR -- Miresulta sa 33 ka operational accomplishments nga gibutyag sa Provincial Operations and Management Unit (POMU) ang nasungkit sa tibuok kwerpo sa Agusan del Sur Police Provincial Office (ADSPPO) sa probinsya ubos sa pagdumala ni Police Colonel Yahya Bustamante Yusup, officer in-charge sa mas gipakusgan nga weekly Anti-Criminality Law Enforcement Operation (ACLEO) nga naglangkob sa petsa Mayo 13-19, 2024.
Ang walay hunong nga mga paningkamot sa lokal nga mga pulis batok sa kriminalidad ug insurhensya miresulta sa mosunod nga positibo nga mga kalampusan sama sa: usa (1) ka illegal drug personality sikop pinaagi sa buy-bust operation; duha (2) ka loose firearms ang boluntaryong gitahan sa awtoridad; unom (6) ka mga indibidwal arestado sa illegal gambling; duha (2) ka Most Wanted Person ug pito (7) ka uban pang Wanted Persons ang napriso samtang lima (5) ka service of Warrant of Arrest ang malampusong napatuman; onse (11) ka indibidwal ang gi-aresto sa kampanya sa illegal fishing; ug usa (1) ka 'friends rescued' (FR) boluntaryong misurrender sa mga lokal nga awtoridad.
Ang tanang mga dinakpan gisitar sa Miranda Warning ug Anti-torture Law pinaagi sa pagdakop sa mga pulis sa wala pa ibutang ubos sa kustodiya sa kapolisan samtang ang mga reklamo batok kanila giandam alang sa pagpasaka sa korte.
"Ang ating nakamit na operational accomplishments ay isang patunay lamang na kung magtutulungan ang komunidad at pulisya, kapayapaan at katahimikan ay makakamtan. Asahan niyo po na mas lalo pa naming pagbubutihin ang aming sinumpaang tungkulin. Kudos sa lahat ng AgSur cops,” matud pa ni PCol. Yusup. (PRO13-Agusan del Sur/PIA-Agusan del Sur)
