Malampuson nga buy-bust operation sa Agusan Sur miresulta sa pagkasakmit sa ilegal nga druga
PROSPERIDAD, Agusan del Sur -- Ang dedikasyon sa mga personahe gikan sa Trento Municipal Police Station (MPS) maoy naghatag og dalan alang sa malampusong operasyon sa nagpadayong kampanya batok sa ilegal nga druga.
Ang maong buy-bust operation nahitabo niadtong April 24 (Miyerkules) sa mga alas 2:30 sa kahaponon didto sa Purok-7C, Poblacion, Trento, Agusan del Sur, nga niresulta sa pagkasikop sa usa (1) ka suspetsado ug pagkasakmit sa ginadili nga mga butang.
Ang nahisgutang personahe nihimo og operasyon batok sa ilegal nga druga pinaagi sa buy bust operation nga miresulta sa pagkasakmit sa mosunod nga mga butang:
a. (1) ka gamay nga heat-sealed transparent plastic sachets nga adunay sulod nga Shabu; ug
b. (1) ka nga lima ka gatos pesos nga buy-bust money ug P50 cash money.
Gipahayag ni Agusan Del Sur Police Provincial Office (ADSPPO) Director Yahya Yusup, ang dinakpan nga suspetsado ug mga nasakmit nga butang anaa na sa kustodiya sa Trento MPS alang sa tukmang disposasyon.
Ang ahensya nga nagpatuman sa balaod komitado sa pagsiguro nga ang tanan nga kinahanglan nga mga pamaagi ug ligal nga mga lakang gisunod aron mapadayon ang integridad sa kaso.
"Ako ay nangangako sa lahat ng AgSurnon na ang aktibidad na may kinalaman sa droga ay hindi kukunsintihin sa ating lalawigan, at patuloy tayong maninindigan sa ating paghahangad na makamit ang kapayapaan at ligtas na kapaligiran," sigon ni Yusup. (PRO 13 Agusan del Sur/PIA-Agusan del Sur)
