(PAGASA 24-HOUR PUBLIC WEATHER FORECAST as of Wednesday, 09 July 2025) The Southwest Monsoon (Habagat) continues to affect Mindanao. FORECAST: The Zamboanga Peninsula will experience cloudy skies with scattered rain showers and thunderstorms due to the Southwest Monsoon. These conditions may lead to possible flash floods or landslides, especially during moderate to occasionally heavy rainfall. The rest of Mindanao will have partly cloudy to cloudy skies with isolated rain showers or thunderstorms also influenced by the Southwest Monsoon. Winds will be light to moderate from the southwest, with slight to moderate seas (wave height between 0.6 to 2.1 meters).


Thursday, 14 March 2024

Residente sa La Paz, gi-awhag nga magtanom og gulay, rootcrops 

AGUSAN DEL SUR -- Gi-awhag sa lokal nga panggamhanan sa La Paz nông probinsya nga magtanom og daghang gulay aron dili kini maglisod sa pang-adlaw adlar nga pagkaon sa pamilya hilabi na nga kulang ang suplay mini.

Kini nahisayran human ang gipahigayon sa Local Price Coordinating Council (LPCC) ang 1st quarter LPCC meeting sa lungsod sa La Paz kaniadtong Marso 5. 

Ang maong konseho gipangunahan ni Mayor Michael Lim isip chairperson, ug siya girepresentar ni Cydric Carumba. Uban usab sa panagtigum si Engr. Renato Corvera ug Ferdinand Inres sa Department of Trade and Industry (DTI) sa Agusan del Sur, ug ang ubang membro ug representante sa LPCC.

Ang Municipal Agriculture Office (MAO) pinaagi ni Jun Mark Palaca mipresentar og report sa gipahigayon niining weekly price monitoring sa mga nag-unang palaliton, ug nasaysay niini nga adunay nakitang kakulangon sa supply sa gulay sa lungsod tungod sa pagkadaot sa mga tanum epekto sa miaging baha. 

Bisan paman sa sitwasyon, kini gipangitaan gihapon og pamaagi sama sa pagkompra og gulay sa ubang mga lungsod sa probinsya. 

Gipadayag usab sa lungsod nga prioridad niini ang pagtanum og gulay, ug sila nag-awhag sa mga lumulupyo nga padayun sa pagtanum og nagkadaiyang gulay, rootcrops lakip na ang humay ug mais.

Malipayon usab nga gipadangat sa konseho ang suporta sa pagbutang ug price board para sa mga nag-unang palaliton diin kini ipamutang sa merkado ug sa lain pang lugar asa sayon makita sa mga konsumador aron mkahatag ug kahibalo sa saktong presyo sa palaliton. (DTI-Agusan del Sur/PIA-Agusan del Sur)