Kaayuhan sa mga senior citizen sa Agusan Sur, gihatagan og bili sa probinsyal nga panggamhanan
AGUSAN DEL SUR -- Nagmalampuson si Congressional Representative Alfel Bascug isip chairperson sa Special Committee on persons with disabilities (PWDs) sa pagpadungog sa tingog sa mga PWDs sa gipahigayon nga joint committee hearings sa Committees on Ways and Means, Senior Citizens ug Special Committee on Persons with Disability.
Madumduman nga mipahigayon sa pila ka-series sa hearing ang maong mga komitiba kabahin sa implementsyon sa mga balaod ug polisiya nga naghatag ug discounts, incentives, ug tax exemption sa mga senior citizens ug PWDs.
Nakahinabi usab si Kongresista kauban ang iyang chief sa political affairs office nga si Patricia Anne Plaza ang buhatan sa National Council on Disability Affairs (NCDA) kabahin sa pagpakusog sa maong ahensya aron mas labing han-ay ang proseso sa pagrehistro sa mga PWDs sa tibuok nasud.
Sa katapusang hearing, nagkasabot ug nakamugna sa usa ka house bill ang Committee on Ways and Means, Senior Citizens ug Special Committee on Persons with Disabilities nga naglangkob sa mga dugang benepisyo sa sektor sa senior citizens ug PWDs.
Sunod kini sa mando ni President Ferdinand "Bongbong" Marcos Jr. nga gisigundahan usab ni Speaker Martin Romualdez nga mipasalig sa paghatag og P500 nga monthly discount sa maong mga sector.
Gi-aprobahan ug ni-commit usab ang mga ahensya sa gobyerno nga mas palawman pa ug hatagan og saktong prebilihiyo ang mga senior citizens ug PWDs ilalom sa balaod. (Team Eddiebong/PIA-Agusan del Sur)
