(PAGASA 24-HOUR PUBLIC WEATHER FORECAST as of Wednesday, 17 April 2024) Easterlies affecting the country. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rain showers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas (0.6 to 2.1 meters).

Monday, 25 March 2024

Laing 5,000 residente sa Agusan Norte, napaabtan og assistance sa Bagong Pilipinas Serbisyo Fair 

DAKBAYAN SA BUTUAN -- Napaabot sa nakatakdang laing dul-an sa 5,000 ka residente sa segundo distrito sa Agusan del Norte ang ayuda ubos sa Assistance for Individuals in Crisis Situation (AICS) sa ikaduhang adlaw sa Serbisyo Fair sa Ampayon campus sa Caraga State University (CSU) nga naglusad sa kampanya alang sa “Bagong Pilipinas.”

Dugang kini sa mosuma sa 11,500 ka residente gikan sa syudad sa Cabadbaran ug mga lungsod sa segundo distrito nga napaabtan sa lain-laing serbisyo sa unang adlaw sa BPSF.

Gawas kini sa ubay-ubay pang mga kliyente sa uban pang mga serbisyo sa nagakain-laing ahensya sa nasudnong panggamhanan nga gibuligan pagpahiluna nila ni Kongresista Dale B. Corvera, Gob. Ma. Angelica Rosedell M. Amante ingon man sa mga local city and municipal officials sa distrito.   

Gibuligan usab ang maong pagpangandam sa national secretariat sa BPSF apil na ang usa sa mga nangunang buhatan nga nagpalambo sa kampanya, ang buhatan ni House Speaker Martin R. Romualdez.

Apil usab sa mibulig sa pagpangandam sa mga serbisyo nga gipadangat ang Tingog Partylist sa pagpangulo sa representante niini nga mao si Kongresista Yedda Marie Romuladez, ang kapikas ni Speaker Romualdez, nga maoy nagpasiugda sa payout sa AICS alang sa kababayen-an. 

Lima ka mga kalihukan nga naghatag og nagkadaiyang socio-economic services ang gihimo aron mapadangat ang nahisgutanng mga serbisyo. Gihimo sa Ampayon campus sa Caraga State University (CSU), ang sentrong lokasyon sa Serbisyo Fair, sugod kagahapon, ang AICS alang sa mga residente gikan sa nagkalin-laing lungsod ug syudad sa distrito. 

Samang pagpadangat sa serbisyo ubos sa AICS ang gihimo usab kagapon alang sa kababayen-an sa Cabadabaran ug sa lungsod sa RTR.

Gihimo usab gahapon ang payouts alang sa mga nakatrabaho sa mga lungsod ug syudad sa distrito ubos sa Tulong Panghanapbuhay Para sa Ating mga Disadvantaged/Displaced Workers (TUPAD) sa Cabadbaran ug sa lungsod sa Buenavista.

Kining maong kalihukan, sumala pa ni Kongresista Corvera, dili lang magpakita sa nagkahiusang lihuk sa mga opisyal sa Agusan del Norte aron makapadangat og lapad nga serbisyo. Mikonekta usab kini sa probinsya sa national services network ug nagpalapad sa maabot sa paningkamot sa lokal ug nasudnong panggamhanan nga mapaduol ang serbisyo sa katawhan, dugang sa Kongresista. (Neki Jel Pocong ug Jenny D. Fabian, 2ndCongressional District Office/PIA-Agusan del Norte)