Agusan Norte, mga doktor mosulod og kasabutan para sa 24/7 serbisyong medikal
DAKBAYAN SA BUTUAN -- Gitakda na ang pagpirma sa usa ka kasabutan kauban ang mga pribadong medical practitioners para masiguro ang 24/7 nga serbisyong medikal sa mga ospital sa probinsya sa Agusan del Norte ngadto sa publiko.
Basi sa Sanggunian Resolution No. 625-2023 nga gi-aprobahan sa Sangguniang Panlalawigan, i-hire sa probinsya ang pipila ka mga medical practitioners nga i-assign sa laing-laing ospital sa probinsya sama sa Agusan del Norte Provincial Hospital, Cabadbaran District Hospital, Nasipit District Hospital, Kitcharao District Hospital, Las Nieves Municipal Hospital ug Jabonga District Hospital.
Ang mga medical practitioners mokomplemento sa kakulangon sa doktor sa nasangpit nga mga ospital batok sa mga pasyente niini lakip na mga out-patient matag adlaw nga naga konsulta ug kadtong mga emergency cases ilabi na kung gabii o kaadlawon.
Ang nasangpit nga resolusyon nga gipangamahanan ni Bokal James T. Reserva, naghatag otoridad kang Gob. Angel Amante sa pagpirma sa kasabutan tali medical practitioners ug gi-aprobahan sa SP sa ika- 66 regular nga sesyon niini. (JVDemain, PLGU-Agusan del Norte/PIA-Agusan del Norte)
