(PAGASA 24-HOUR PUBLIC WEATHER FORECAST as of Wednesday, 21 February 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms. Light to Moderate winds coming from East to Northeast will prevail with Slight to Moderate seas (0.6 to 2.5 meters).


Wednesday, 10 January 2024

Biyahe sa Magallanes - Butuan, gilugwayan

DAKBAYAN SA BUTUAN -- Mapasalamaton kang Kongresista Dale B. Corvera sa ikaduhang distrito sa Agusan del Norte ang mga pasahero ug operators sa pumpboat sa Magallanes, Agusan del Norte tungod sa gihimo niyang representasyon sa Maritime Industry Authority (MARINA) aron lugwayan ang oras sa biyahe sa rota nga Magallanes ug Butuan agi sa Agusan River gikan sa alas 4:00 sa hapon ngadto sa 6:30 sa sayong gabii.

Nagsugod ang gilugwayan nga oras sa biyahe niadtong Enero 2, sumala ni Port Police Officer Chiara Mae Barias.  

Subay sa reglamento, hangtud alas 4:00 lang sa hapon gitugotan pagbiyahe ang mga sakyanan nga nagbiyahe sa rotang Magallanes-Butuan sa Agusan River. Kini aron maseguro nga luwas ang biyahe alang sa mga pasahero, sumala pa kang Ninfa Dominguez-Martinez ang regional director sa MARINA.

Dugang ni Martinez nga subay usab kini sa MARINA Memorandum Circular 2016-02 nga nagdili sa mga wooden hulled ships pagkarga og pasahero sa gabii.

Apan misabot ang buhatan sa MARINA, sumala pa kang Martinez, sa gihangyo sa Magallanes Watercraft Association, Inc. (MWAI) nga lugwayan ang oras sa biyahe nga gi-endorso sa mga opisyal sa lungsod ug ni Kongresista Corvera.

Pasabot ni Martinez sa iyang sulat kang Kongresista Corvera nga gikonsidera sa iyang buhatan ang kahimtang nga mo-plite ang mga pasahero og doble kung mosakay sila og motorsiklo pauli kung molapas na sa alas 4:00 sa hapon kumpara kung pump boat lang gihapon ang ilang sakyan.

Niini, dugang ni Martinez, gihimo nila ang mga diskusyon tali sa MWAI kalabot sa posibilidad nga mahatagan ang mga operator og special permit nga padayong mag-operate sa gabii apan mo-comply sila sa mga kondisyon pagseguro nga luwas ang mga pasahero sa biyahe. (John Henry Balansag ug Hannie Paniamogan, Agusan del Norte 2nd Congressional Office/PIA-Agusan del Norte)