(PAGASA 24-HOUR PUBLIC WEATHER FORECAST as of Wednesday, 21 February 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms. Light to Moderate winds coming from East to Northeast will prevail with Slight to Moderate seas (0.6 to 2.5 meters).


Thursday, January 4, 2024

Agusan Norte nagmugna ug contingency plan batok baha

DAKBAYAN SA BUTUAN -- Dili ikalimod nga usa ang probinsya sa Agusan del Norte sa daling maigo og mga bagyo diin moresulta sa dako nga pagbaha rason nga gipanghingusgan sa probinsya ang pagbaton og contingency plan on flood nga gi-endorso sa Provincial Disaster Risk Reduction and Management Council (PDRRMC) pinaagi sa ilang Resolution No. 26-23, series of 2023.

Ang maong plano gidesinyo aron ma-improve ang pagpangandam sa probinsya kung muabot ang katalagman diin makapakunhod sa epekto sa baha ug paghatag og hinanaling mekanismo sa pagtubag ug pag-rehabilitate sa mga apektadong komunidad.

Tumong sa maong contingency plan ang paghatag og epektibo, episyente, paspas ug han-ay nga mga mekanismo sa pagtubag kung adunay mahitabo nga baha diin ang maong mga mekanismo makatabang sa pagpanalipod sa mga kinabuhi, kabtangan ug hinanaling pagtubag sa panginahanglan sa mga apektadong katawhan.

Dugang pa, gimugna kini aron mahibal-an ang mga insakto ug paspas nga buhaton kung adunay baha, pag-account sa tanan nga mga resources nga pwedeng magamit, pag-establisar sa husto nga koordinasyon pinaagi sa episyente nga komunikasyon ug linkage sa mga nagkada-iyang ahensya, paghatag dayon og angay nga mga panginahanglanon sa apektadong residente ug mapalig-on ang mga standards sa sistema sa pag-report nga gitakda sa national DRRMC.

Gitakda usab dinhi ang palisiyang angay sundon sama sa pag-adopt sa pagmugna og  PDRRMC – Emergency Operations Center (EOC) nga nahilakip sa Republic Act  No. 10121; pagsiguro sa timely ug tukma nga pagsumite sa mga report sa mga damyos ngadto sa tsirman sa OCD - Caraga; pagbaton og relief distribution system diin proyoridad nga mahatagan og hinabang ang mga evacuees. Ang mga miyembro sa PDRRMC ug municipal DRRMCs kinahanglang mobuhat sumala sa ilang gitahas nga mga buluhaton ug pagsiguro nga ang tanang resources nga gikinahanglan andam alang sa pagtubag sa naapektuhan.

Labaw sa tanan tumong niini nga mas mapalig-on ug ma-improbar ang mga kapabilidad sa operasyon sa PDRRMC ning probinsiya.

Hugtanon kining gipalabang pinaagi sa Sangguniang Resolution No. 619-2023 atol sa ika-66 nga sesyon regular niadtong Disyembre 12 ning tuig. (RJSE, PLGU-Agusan del Norte/PIA-Agusan del Norte)