(PAGASA 24-HOUR PUBLIC WEATHER FORECAST as of Wednesday, 21 February 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms. Light to Moderate winds coming from East to Northeast will prevail with Slight to Moderate seas (0.6 to 2.5 meters).


Monday, 29 January 2024

Paspas nga serbisyo, gitinguha sa LGU - Las Nieves

LAS NIEVES, Agusan del Norte -- Gibansay sa tulo ka adlaw nga training workshop kabahin sa Office ug Individual Performance Commitment and Review (OPCR/IPCR) ang mga hepe ug representante sa nagkadaiyang buhatan sa lokal nga panggamhanan sa Las Nieves, Agusan del Norte.

Ang OPCR/IPCR mao ang mga dokumento diin malantaw kung nakab-ot ba sa empleyado o ahensya ang target nga mga buluhaton niini sa sulod sa gihatag nga termino.

Gipahigayon ang training workshop arun sa paghimo og nahiusa nga OPCR/IPCR sa tanang buhatan pinaagi sa pagmugna ug usa ka lig-on nga service standards.

Personal nga gipadayag ni Provincial Director sa Department of the Interior and Local Government (DILG) sa Surigao del Norte nga si Domingo E. Bulabog, ang iyang mainitong pagdawat sa mga personahe sa LGU nga mipahigayon sa maong aktibidad sa Cinnamon Garden Inn and Restaurant, sa Surigao City.

Gidayeg usab ni Dir. Bulabog ang LGU sa ilang pagpaningkamot nga mas mulawig pa ang operasyon niini alang sa pagdala ug serbisyo ngadto sa katawhan.

Ang han-ay nga pagpatuman sa OPCR/IPCR gipanghingusgan ni Mayor Karen Rosales subay sa iyang Executive Agenda No. 1 nga mao ang pagpalawig sa kapas sa mga empleyado sa lokal nga panggamhanan arun sa pagdala og mas paspas ug kalidad nga serbisyo ngadto sa publiko.

Sa iyang mensahe, gipaabot sa mayor ang iyang kalipay sa gipakita nga suporta sa tanang buhatan.

“Garbo gyud nako nga kamo ang akong kauban sa pagpalambo sa atong lungsod,” ang pahayag Mayor Rosales.

Gipahigayon ang tulo ka adlaw nga training workshop niadtong niaging Miyerkules hangtod Biernes, January 17-19, 2024. (MIO, Las Nieves/PIA-Agusan del Norte)