500 ka mga bata, nakabenepisyo sa Pamaskong Handog
LAS NIEVES, Agusan del Norte -- Gipangunahan sa Municipal Social Welfare
and Development Office (MSWDO) ang pagpanghatag sa 500 ka food packs ngadto sa
mga kabatan-onan sa Barangay Eduardo G. Montilla.
Ang pagpanghatag sa mga food packs gipatuman ubos sa Youth-led Pamaskong Handog Program sa DSWD karong tuig 2023.
Kaabag sa DSWD sa maong pagpanghatag ang mga Local Council for the Protection of Children diin lakip sa mga miyembro niini mao ang mga child representatives sa nagkadaiyang barangay sa Las Nieves.
Mitambong sa programa isip representante ni Mayor Karen Rosales, si kanhing Mayor ug kasamtangang Sangguniang Bayan (SB) member Avelina S. Rosales. Kauban ni SB Rosales si Leoncia R. Calang, ang MSWD officer.
Misuporta usab ang mga opisyales sa barangay E.G. Montilla nga pinangulohan ni Punong Barangay Isaac A. Redoble. (Las Nieves-PIO/PIA-Agusan del Norte)
