(PAGASA 24-HOUR PUBLIC WEATHER FORECAST as of Wednesday, 16 October 2024) Shear Line affecting Extreme Northern Luzon. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southeast to Northeast will prevail with slight to moderate seas (0.6 to 2.1 meters).


Wednesday, 25 October 2023

MOA nilagdaan para pasiglain ang wikang Inata

LUNGSOD NG BUTUAN -- Isinagawa ang lagdaan ng memorandum ng kasunduan para sa pagtatayo ng programang Bahay-Wika at Master-Apprentice Language Learning Program para sa muling pagpapasigla ng wikang Inata noong Oktubre 19, 2023 sa Barangay Celestino Villacin, Cadiz, Negros Occidental.

Kasama sa mga lumagda sa kasunduan ang Komisyon sa Wikang Filipino (KWF) Tagapangulo Arthur P. Casanova at Komisyoner Carmelita C. Abdurahman; Gobernador Eugenio Jose V. Lacson ng Negros Occidental; Mayor Salvador G. Escalante ng lungsod Cadiz; Assistant School Division Superintendent Julito Felicano, kasama si Department of Education (DepEd)-Cadiz Superintendent Arlene Bermejo; Punong Barangay Arlene N. Verbo ng Brgy. Celestino Villacin, Cadiz; at indigenous peoples (IP) leader ng komunidad ng Ata sa Sityo Manara, Garry Consing. 

Ang wikang InatΓ‘ ay ang katutubong wika ng mga AtΓ‘. Sinasalita ito sa apat na komunidad ng mga AtΓ‘ sa lalawigan ng Negros Occidental partikular sa bayan ng Cadiz, Sagay, Calatrava, at Salvador Benedicto. Batay sa pagtataya ng mga namumuno sa komunidad ng Sityo Manara, halos nΓ‘sa 10% o 30 miyembro na lΓ‘mang ang nakapagsasalita ng kanilang katutubong wika sa kanilang komunidad at karamihan dito ay mga nakatatandang miyembro na lamang ng komunidad. 

Sa kasalukuyan, Hiligaynon at Sebwano na ang wikang ginagamit ng kanilang komunidad sa pang-araw-araw na pakikipag-usap. Sa tahanan, Hiligaynon din ang wikang ginagamit ng mga pamilya sa kanilang komunidad. Kaya naman, ito na rin ang unang wikang natutuhan ng kanilang mga anak.

Isang paraan upang mapangalagaan at muling mapasigla ang mga wikang nanganganib nang mawala gaya ng wikang Inata ay ang paglulunsad ng Language Immersion Program katulad ng Bahay-Wika at Master-Apprentice Language Learning Program (MALLP).

Noong araw ding iyon, ipinagkaloob sa mga Ata ang Certificate of Ancestral Domain Title (CADT) na pinangunahan ng Pambansang Komisyon sa mga Katutubong Mamamayan o NCIP Rehiyon 6 at 7. (KWF/PIA-Caraga)

Posted by at