Patas, hapsay nga eleksyon, gitinguha sa PNP-PRO 13
DAKBAYAN SA BUTUAN -- Misalmot ang Police Regional Office 13 sa pagpanguna ni PBGEN Kirby John Kraft, regional director sa PRO13 sa flag raising ceremony ug simultaneous nationwide multi-sectoral peace assembly for Barangay and Sangguniang Kabataan Elections kun BSKE 2023 nga gipahigayon sa grandstand Camp Col. Rafael C. Rodriguez Barangay Libertad, Butuan City, Lunes sa buntag.
Tinguha sa PNP-PRO 13 ang secure, free, accurate ug fair elections sa tibook rehiyon sa caraga karong umaabot Oktubre 30, 2023.
Subay niini, nahimong guest of honor and speaker si Atty. Francisco Pobe, regional election director sa Commission on Elections (COMELEC) Caraga, ug nagpasalamat sa tibook pwersa sa kapulisan sa paningkamot nga makab-ot ang kahapsay ug malinawong piniliay uban sa mga personahe sa Department of Education (DepEd) Caraga nga maoy bug-at og responsibilidad sa mamahimong resulta sa election. Hinungdan naglaum ang opisyal nga mas pahugtan ang seguridad panahon sa piniliay aron makasigurong luwas nga makab-ot sa rehiyon ug tibook nasud nga makapili og matinud-anon ug kasaligang opisyales sa barangay ug sangguniang kabataan.
Aktibo usab mikomitar ang mga partner agencies nga gilangkuban sa PNP, COMELEC, Armed Forces of the Philippines, local government unit of Butuan City, Department of the Interior and Local Government, DepEd, covil society organizations (CSOs) ug non-government organizations (NGOs), Department of Transporation (DOTr) ug Department of Informartion and Communications Technology (DICT) nga magtambayayong sa pagkabot sa hapsay nga piniliay pinaagi sa pagsign sa pledge of commitment. Samtang gibuhian usab ang mga white doves nga nagsimbolong mupatigbabaw ang kalinaw ug gugma sa umaabot nga BSKE 2023. (Butuan City PIO/PIA Agusan del Norte)
