(PAGASA 24-HOUR PUBLIC WEATHER FORECAST as of Friday, 24 May 2024) ๐—ง๐—ฟ๐—ผ๐—ฝ๐—ถ๐—ฐ๐—ฎ๐—น ๐—–๐˜†๐—ฐ๐—น๐—ผ๐—ป๐—ฒ #AghonPH ๐—ฎ๐—ณ๐—ณ๐—ฒ๐—ฐ๐˜๐—ถ๐—ป๐—ด ๐˜€๐—ฒ๐˜ƒ๐—ฒ๐—ฟ๐—ฎ๐—น ๐—ฝ๐—ฎ๐—ฟ๐˜๐˜€ ๐—ผ๐—ณ ๐— ๐—ถ๐—ป๐—ฑ๐—ฎ๐—ป๐—ฎ๐—ผ. ๐‹๐จ๐œ๐š๐ญ๐ข๐จ๐ง ๐จ๐Ÿ ๐„๐ฒ๐ž/๐œ๐ž๐ง๐ญ๐ž๐ซ: at 5:ooam this morning, at 340 km East of Hinatuan, Surigao del Sur (08.6 °N, 129.4 °E ) ๐Œ๐จ๐ฏ๐ž๐ฆ๐ž๐ง๐ญ: Moving West Northwestward at 30 km/h ๐’๐ญ๐ซ๐ž๐ง๐ ๐ญ๐ก: Maximum sustained winds of 45 km/h near the center and gustiness of up to 55 km/h ๐–๐ข๐ง๐ ๐’๐ข๐ ๐ง๐š๐ฅ: as of 05:00am TCWS no.1 Dinagat Islands, Siargao Islands, and Bucas Grande Islands.

Thursday, 12 October 2023

Serbisyo alang sa Tubay, padayong giplastar, ipatuman

DAKBAYAN SA BUTUAN -- Inisyal nga gi-review sa usa ka meeting tali ni Mayor Jimmy Beray ug sa mga personahe sa Congressional District Office (CDO) ni Kongresista Dale B. Corvera ang mahimong core processing project sa lungsod sa Tubay sa nakatakdang pagpadayon sa AGUSAN UP!, ang kampanya sa pagpalambo nga hiniusang ipursige sa kongresista  ug ni Governor Ma. Angelica Rosedell M. Amante.

Unang gipunting sa lungsod ubos sa miaging administrasyon nga mahimong mineral processing center sa probinsya. Apan tan-aw ni Mayor Beray nga nagka menus na ang mining activities sa lugar ug posible nga dili na kini mahimong major economic activity.

Gilantaw karon sa lungsod nga ipalambo ang feed mill gamit ang soya ug mais ingon man ang fruit processing. Apan iplastar pa ang mahimong kolaborasyon tali sa Lungsod sa Las Nieves nga nakaposisyon na nga mopahiluna og feed mill ug tali sa Carmen diin nagdagan na ang mango and other fruit processing activities.

Butyag usab ni Municipal Agriculturist Pedrito Nalam nga kasamtangang nagpadayon usab ang ilang gipunting nga makatanum og cacao sa 50 ektaryas nga luna ug 20 ektaryas nga kapehan, partikular sa ilawom sa kalubihan.

Giplastar usab sa samang panagtigum nga gihimo sa munisipyo sa lungsod ang ubang mga serbisyo nga gipahiluna ni Kongresista Corvera isip suporta sa mga inisyatiba sa Lokal nga panggamhanan.

Apil sa giplastar ganiha ang ituboy sa munisipyo nga mahimong sakop sa duha ka organisasyon nga naay tag 15 ka sakop nga mugnaon aron moplastar ug mopadagan sa panginabuhian nga puhonanan sa  Department of Social Welfare and Development (DSWD) ubos sa Sustainable Livelihood Program (SLP) nga napahiluna ni Kongresista Corvera.

Gipahiluna usab ang 44 nga mahimong apil sa duha ka Land Preoaration Trainings. Ang usa niini mao ang pagbansay pagmugna og gulayan ug pagtanum og high value crops ug ang usa diha sa pagpananum og bombay.

Ning semanaha lang usab nahuman ang trabaho alang sa 25 ka residente ubos sa Tulong Panghanapbuhay Para sa Ating Displaced Workers (TUPAD) diin makatrabaho ang usa sulod sa 15 ka adlaw sa sweldo nga P350 ang adlaw. (John Henry Balansag/Agusan del Norte 2nd Congressional District/PIA Agusan del Norte)