Libreng training sa metal welding, nadawat sa 70 skolar sa Las Nieves
Ang STEP gisuportahan ni Congressman Hon. Jose "Joboy" Aquino II pinaagi sa pagpondo niini aron malibre ang galastohon sa maong training.
Sa iyang mensahe, gipaabot ni Mayor Karen Rosales ang iyang pasalamat kang Cong. Joboy sa suporta nga nadawat sa LNTC ug gidasig ang mga iskolar alang sa ilang kalamposan.
“Swerte kaayo ta niini nga suporta mao nga unta ato kining pahimuslan ug gamiton sa atong pag-uswag,” matud pa ni Mayor Karen.
Hugot nga gitutokan sa administrasyon ni Mayor Karen ang pagpahigayon sa skills training isip usa sa iyang mga agenda aron mahatagan og igong trabaho ang nagkadaiyang sektor sa mga lomulopyo sa Las Nieves, ilabi na ang gikan sa mga people’s organizations.
Ang pagpatuman sa STEP for SMAW NC II usa ka tinabangay nga paningkamot sa Technical Education and Skills Development Authority sa Agusan del Norte, 23rd Infantry “Masigasig” Battalion, Agusan del Norte Electric Cooperative, Inc., Department of Education-Las Nieves National High School, ug ang East-West Placement Center, Inc.
Ang STEP-SMAW NC II usa lamang sa mga daghan nga mga skills training nga gipahigayon sa LNTC ubos sa pagdumala ni Norberto Ablen.
Nalipay si Ablen nga nakaapil sa target beneficiaries ang mga indibidwal nga gikan sa mga lagyong dapit sa lungsod sama sa Interim Barangay Bokbokon ug Lawan-lawan.
Kampante usab si Ablen nga adunay oportunidad alang sa mga iskolar sa mga trabaho sa lokal o abroad pinaagi sa tabang sa mga partner-agencies, sama sa East-west Placement Center.
Dakong pasalamat sa mga beneficiaries niini nga TVET scholarship program
sa TESDA tungod sa pag hatag og libre nga training pinaagi sa pondo gikan sa
buhatan ni Cong. Joboy.
Ang maong panagtigom gitambongan sa TESDA - Agusan del Norte Provincial Director, Carlito F. Quintano; Engr. Darwin T. Daymiel PEE - ANECO General Manager; Romeo J. Gumadlas, ANECO Board President.
Ana-a usab sila 2Lt Darwin Arangas, ang representante sa 23rd Infantry “Masigasig” Battalion; Eliphaz Signar, TESDA Scholarship Representative; Analyn Yuting, ang representante gikan sa Las Nieves National High School; Weng Catalan, ang East-West Consultant; ug Jun Ayanza, ang tag-iya ug Technical Consultant sa Country Field Technical School. (PIO LGU Las Nieves/Photo Noberto Ablen/PIA Agusan del Norte)
