(PAGASA 24-HOUR PUBLIC WEATHER FORECAST as of Monday, 26 February 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms. Light to Moderate winds coming from East to Northeast will prevail with Slight to Moderate seas (0.6 to 2.5 meters).


Friday, 15 September 2023

Rebelde patay sa engkwentro sa Tandag City

Ni: Nida Grace P. Barcena

TANDAG CITY, Surigao del Sur -- Patay ang usa ka sakop sa communist terrorist group (CTG) kon teroristang walhong grupo sa engkwentro batok sa tropa sa gobyerno-36nfantry Battalion (36IB), Philippine Army niadtong Septyembre 11, sa Sitio Lumbayagan, Brgy. Maticdum, Tandag City, kini ang gikumpirma sa usa ka opisyal sa kasundalohan.

Matod ni Captain Reyzander Ga, hepe sa Civil-Military Operations sa 36IB, nakaengkwentro sa mga tropa sa gobyerno ang kapin o kulang 20 ka miyembro sa CTG nga gituohang iskwad nga gikan sa Platoon 1, Weakened Guerilla Front 30 (WGF30) , Sub-Regional Committee (SRC) Westland, Northeastern Mindanao Regional Committee (NEMRC), nga gipangulohan ni Joel Maca Mahinay alyas Nicko, buntag sa Septiyembre 11, ug nilungtad og mga 10 ka minutos ang engkwentro.

Nakuha sa tropa sa 36IB ang usa  ka 5.56mm M16A1 Bushmaster Rifle, sa encounter site, ug ang wala nay kinabuhi nga lawas sa CTG, dugang ni Captain Ga.

Samtang, si 36th Infantry “Valor” Battalion (36IB) Commanding Officer Lt. Col. Vincent M Viray, nipadayag sa iyang dakong kasubo sa pamilya ug mga higala sa namatay nga miyembro sa CTG nga namatay sa engkwentro. Dili niya gusto nga adunay makalasan sa kinabuhi gikan sa mga miyembro sa CTG, kutob sa mahimo.

Gimandoan dayon ni Col. Viray ang ground commander nga kuhaon ang lawas, uban ang respeto ug dignidad. Sa higayon nga mailhan na sa mga otoridad ang patayng lawas, gilayon nga itugyan na kini ngadto sa pamilya kon hintungdan.

Hinuon, dako ang pagtuo ni Col. Viray nga kinahanglang ipadayon ang combat operations aron mapugos ang nahabilin nga mga sakop sa CTG nga mosurender.

Dugang pa ni Col. Viray, ang 36IB, Philippine Army padayon sa pakig-alayon sa mga local government units (LGUs) ug partner agencies, nga nalambigit sa paghatag og suporta ug tabang ubos sa government reintegration program o ang Enhanced Comprehensive Local Integration Program (E-CLIP) sa mga mosurender. (Photo credit to: pi36IB/NGPB, PIA-Surigao del Sur)