(PAGASA 24-HOUR PUBLIC WEATHER FORECAST as of Monday, 22 July 2024) At 3:00 AM today, the Low Pressure Area (LPA) was estimated based on all available data at 135 km West Southwest of Calapan City, Oriental Mindoro (13.1°N, 120.0°E). Meanwhile, another LPA was estimated based on all available data at 880 km East of Eastern Visayas (11.1°N, 133.8°E). 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due to Southwest Monsoon. Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to Moderate winds coming from Southwest to Southeast will prevail with slight to moderate seas (0.6 to 2.5 meters).

Tuesday, 15 August 2023

324 ka pamilya nakabenepisyo sa nakumpletong water system sa Las Nieves

LAS NIEVES, Agusan del Norte -- Mokabat sa 324 ka pamilya gikan sa duha ka purok sa Barangay E.G. Montilla sa lungsod sa Las Nieves ang nakabenepisyo sa nakumpletong repair sa water system.

Sumala ni Hilda Zambrano, ang provincial area coordinator sa Kapit-Bisig Laban sa Kahirapan-Comprehensive and Integrated Delivery of Social Services (Kalahi-CIDSS) program sa Department of Social Welfare and Development (DSWD) nga ang pagrepair sa water system nagsugod niadtong February 27, 2023.

Nakumpleto kini niadtong April 14, 2023 ug pormal nga gi-turnover ang maong proyekto sa katawhan sa duha ka purok niadtong Martes, Agosto 8.

“Usa sa priority sa Kalahi-CIDSS mao ang pagpahiluna sa mga proyekto alang sa paghatag og mainum nga tubig sa katawhan ilabi na sa kabarangayan,” matud pa ni Zambrano.

Ang repair sa water system gipondohan sa Kalahi-CIDSS og P735,540 samtang ang lokal nga panggamhanan adunay counterpart nga P173,387 nga cash ug P4,000 nga in-kind.

Ang Barangay E. G. Montilla migahin usab og P1,000 cash ug P18,900 nga in-kind nga counterpart aron makumpleto ang repair.

“Mapasalamaton kami sa panggamhanan, ilabi na sa DSWD ug sa LGU Las Nieves kay nahuman na gayud ang pag repair sa among water system,” padayag ni Alona Daal, taga-Purok 2 sa E.G. Montilla.

Iyang gidugang nga siya ug ang ubang pamilya sa ilang purok boluntaryong mitabang sa pagrepair sa water system.

Malipayon nga misaksi sa pag turnover si Dioscora Mendez nga taga Purok 4 tungod kay matud pa niya anaa na sa duol ang kakuhaan nilag tubig nga mainum ug magamit sa panimalay. (LGU Las Nieves/PIA Agusan del Norte)